०८ पौष २०८१, सोमबार
नन्द सिंह बिहिबार, भाद्र ११, २०७७ मा प्रकाशित
हुम्ला,
सिमकोट गाउँपालिकाले सवै किसिमका सामाजिक सुरक्षा भत्ता जम्मा गर्नका लागि परव्यक्तिको खाता खोल्ने प्रब्धान ल्याएको छ । भदौ ११ गते सोही गाउँपालिका जनप्रतिनिधि, गाउँकार्यपालिका सदस्य र कर्मचारीहरु बसेको बैठकले भदौ १२ गतेबाट सिमकोट गाउँपालिका भित्र रहेका सम्र्पुण सुरक्षा भत्ता पाउने लाभग्राहीहरुको व्यक्तिगत खाता खोल्ने बारे निर्णय गरेको छ ।
सिमकोट गाउँपालिकाको निर्देशनमा पञ्जिकरण शाखाले भदौ १२ गतेबाट अपङगता, बालबालिका, वृद्ध वृदा, एकल महिला लगायत फरक क्षमता भएका व्यक्तिहरुको राष्ट्र्यि बाणिज्य बैंक शाखा कार्यालय हुम्लाबाट खाता सञ्चालन गर्ने भएको सिमकोट गाउँपालिका अध्यक्ष पदमबहादुर लामाले बताए । अध्यक्ष लामाका अनुसार यस भन्दा पहिला वडाध्यक्षहरुको नेतृत्वमा गाउँ गाउँमा गएर उक्त सुरक्षा भत्ता हातैमा बुझाउने गरिन्थ्यो ।
तर अव स्थानीय तहलाई केन्द्रले गरेको निर्देशन अनुसार पञ्जिकरण शाखालाई यो जिम्मा लगाएपछि यस्तो प्रकृया सञ्चालन हुने भएको छ । हाल सोही गाउँपालिका भित्र रहेका सम्र्पुण सुरक्षा भत्ता पाउँने जतिका व्यक्तिहरुले सदरमुकाम सिमकोट आएरै खाता खोल्नु पर्ने भएको छ । उक्त गाउँपालिका भित्रका खाता खोल्नु पर्ने व्यक्ति मध्ये असाय, अशक्त, विभिन्न कारणवस सदरमुकाम धाउन नसक्ने व्यक्तिका लागि भने सम्वन्धित बैंक कर्मचारी गाउँमै गएर खाता खोल्ने भएको छ ।
सो गाउँपालिकाले खाता खोल्नका लागि पहिलो प्रथामिक्ता राष्टि्य बाणिज्य बैंकलाई अनुरोध गर्ने तर कारणबस सोही बैकले गर्न नसेकाम प्राईवेड बैंकहरुसंग सम्झौता गर्ने भएको गाउँपालिका अध्यक्ष लामाको भनाई छ । यतिखेर सिमकोट गाउँपालिका भित्र सामाजिक सुरक्षा भत्ता पाउँने लाभाग्राहीको संख्या ३ हजार ५ सय रहेको छ भने पछिल्लो चरणमा बालबालिकाको संख्या १ सय भन्दा वढिको इन्न्ट्र्ी गर्न बाँकी रहेको पञ्जिकरण शाखाका एमआईएस अप्रेटर नरपति जेठाराले बताए ।
यसैमा पनि अपङगता भएका व्यक्तिहरुको क देखि घ सम्मको श्रेणी भएकोले यसमा क श्रेणीलाई मात्र सुरक्षा भत्ता वितरण गर्ने गरेको अप्रेटर जेठाराको भनाई छ । त्यस्तै केही महिना अघिमात्रै यस्तै निर्णय खार्पुनाथ गाउँपालिकाले पनि गरेको थियो । त्यसको प्रकृया भने पुरा हुन नसकेको खार्पुनाथका स्थानीयले गुनासो गरेको विभिन्न सञ्चार मिडियामा प्रकासित भएको थियो ।
कतै त्यस्तै प्रकृया सिमकोट गाउँपालिकामा पनि हुनेत हैन ? भन्दा हाम्रो गाउँपालिकामा सवै काम पुरा गरेरै छोड्छौ, विचैमा समस्या हुंन दिदैनौँ र लागि पर्ने भएको सिमकोट गाउँपालिका अध्यक्ष पदमबहादुर लामाले प्रतिवद्धता जनाए । अव सिमकोट गाउँपालिका भित्रका अपङगता, बालबालिका, वृद्ध वृदा, एकल महिला र फरक क्षमता भएका व्यक्तिहरुले आफ्नै खाताबाट सुरक्षा भत्ताको रुपैयाँ आफै झिक्न पाउने भएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
