०७ पौष २०८१, आइतबार
राज शाही मंगलबार, साउन २७, २०७७ मा प्रकाशित
हुम्ला
जिल्ला दक्षिणी क्षेत्रको गाउँपालिकामा चार दिनदेखि प्रसुती ब्यथा लागेकी महिलाको उद्धार हुन सकेको छैन । सडक यातायात नजोडिनु र हवाई उद्धारका लागि पहलमा ढिलाई भएपछि उनको उद्धार हुन नसकेको हो ।
ताँजाकोट गाउँपालिका वडा नम्बर १ को काँडागाउँकी २३ वर्षकी बिपना खड्कालाई चार दिन अघि घरमै ब्यथा लागेको अबस्थामा मैला स्वास्थ्य चौकीमा बोकेर ल्याई राखिएको भएपनि सुत्केरी हुन नसकेपछि उनी प्रशय ब्यथाले छटपटिएको स्थानीय धर्मराज जैशीले बताए । वर्षाले बाटो घाटो बन्द भएको र टेलिफोन सेवा समेत राम्रोसंग सुचारु नभएपछि जिल्लामा खबर गर्न कठिन भएको उनले बताए ।
स्वास्थ्य चौकीमा सुत्केरी गराउने दक्ष जनशक्तिको अभाब र अप्रेशनका लागि उपकरण नहुदा केही गर्न नसकिएको स्वास्थ्य चौकीले जनाएको छ । गाउँपालिकाबाट ब्यथा लागेकी महिलाको खबर आएको र हवाई उद्धारका लागि पहल भई सकेको स्वास्थ्य सेवा कार्यालयका प्रमुख प्रेम बहादुर सिंहले बताए ।
पत्र प्राप्त हुना साथ हवाई उद्धारका लागि गृह तथा महिला बालबालिका तथा जेष्ठ नागरिक मन्त्रालयसंग उद्धारका लागि पहल भए अनुसार हेलिकप्टरको ब्यबस्था भएको प्रमुख जिल्ला अधिकारी चिरन्जीबी गिरीले बताए । प्राप्त खबर अनुसार उद्धारका लागि नेपाली सेनाको हेलिकोप्टर सुर्खेतमा तयारी अबस्थामा रहेको र सुर्खेतमा पानी परेको कारण उद्धार हुन नसकेको हो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
