०७ पौष २०८१, आइतबार
राज शाही शनिबार, साउन १०, २०७७ मा प्रकाशित
हुम्ला
हिमाली पारीको गाउँ लिमीका बासिन्दाहरुले पहिलो पटक अनुदानमा सुधारिएको चुलो पाएका छन् । धुँवा र धुलो मुक्त गाउँ अन्र्तगत स्थानीयको मागलाई मध्यनजर गरि तीन वटै गाउँलाई फलामे सुधारिएको चुलो बितरण गरिएको हो ।
यसअघि अगेनोमा आगो बाल्दै आएका नाम्खा गाउँपालिका वडा नम्बर ६ को हिमाल पारीको गाउँ लिमी हल्जीकी एक महिला कार्साङ्मा तामाङले पहिलो पटक फलामे सुधारिएको चुलो पाएको बताईन । उनले यसरी लिमीका तीन वटै गाउँले पहिलो पटक अनुदानमा सामाग्री पाएको बताईन । यसबाट प्रत्यक्ष रुपमा महिला गृहणी लावान्भित भएकी छन् ।
वडा अध्यक्ष पाल्जोर तामाङले सहयोगी संस्थाको आर्थिक तथा प्राबिधिक सहयोगमा लिमीका सबै घरधुरीले निशुल्क चुलो पाएको बताए । लिमीमा यसअघि हुने खानेले मात्र चीनको ताक्लाकोटबाट सुधारिएको चुलो ल्याएर प्रयोग गर्दै आएको भएपनि अहिले भने गाउँ भरि उक्त चुलो पाएपछि सबै घरधुरी धुँवा मुक्त भएको छ । जिल्ला भरि अनुदानका कार्यक्रम थुप्रै गएपनि लिमीमा भने पहिलो पटक यसरी अनुदानमा चुलो पुगेका हो । अध्यक्ष तामाङले चुलो पाएपछि अब दाउराको समेत समस्या हुने लिमीमा केही हदसम्म दाउरा पनि बचत हुने र धुँवाबाट समेत मुक्ती पाउने बताए ।
सहयोगी निकाय ग्रामीण जलश्रोत ब्यबस्थापन परियोजनाका जिल्ला सल्लाहकार बिरेन्द्र थापाले लिमीलाई धुँवा मुक्त गर्ने अभियान अन्र्तगत अनुदानमा चुलो बितरण गरिएको बताए ।
लिमीका तीन गाउँ तीलका ६१ घरधुरी, हल्जीका १११ र जाङका २६ गरि २०३ घरधुरीलाई अनुदानमा फलामे सुधारिएको चुलो बितरण गरिएको छ । चुलो पाएर जडान गरि प्रयोगमा आएपछि लिमीका तीनै गाउँ धुवाँमुक्त भएका छन् । यसका लागि परियोजना, गाउँपालिका र स्थानीयको जनश्रमदान गरि ३९ लाख ८० हजार ६८८ रुपियाँ बजेट खर्च गरिएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
