०८ पौष २०८१, सोमबार
राज शाही बिहिबार, साउन ०१, २०७७ मा प्रकाशित
हुम्ला
सदरमुकाम सिमकोटमा बिरलै आउने नाम्खा गाउँपालिका वडा नम्बर ६ हिमालपारीको गाउँ लिमीका बासिन्दा भुक्तानी लिन चार दिन पैदल हिडेर सिमकोट आई पुगेको छन । आर्थिक वर्ष अन्तिम हुदा गाउँमा सम्पन्न भएका योजनाको भुक्तानी लिनु पर्ने भएपछि पाँच हजार अग्लो न्यालु लेक पार गरेर लिमीबासी सिमकोट आई पुगेका हुन ।
लिमी हल्जी गाउँका कुन्जोकफुर्वु तामाङले सिंचाईको काम सम्पन्न भएपछि भुक्तानी लिन आएको बताएका छन् । स्थानीय उपभोक्ता समितिबाट सम्पन्न भएको सिंचाईको कामको बजेट लिएर गाउँमा बाँढ्नु पर्नेछ । उनी सहित अन्य तीन जना पनि सोही योजनाको भुक्तानीका लागि गाउँलेले खटाएको थियो ।
त्यसैगरि तीन गाउँको तटबन्धका लागि पनि अर्को दुई उपभोक्ता समितिको टोली भुक्नाती लिन सदरमुकाम सिमकोट आई पुगेको छ । स्थानीय फुर्वु लामाले आबश्यक कागजात सबै भुक्तानीका लागि पेश गरि सकिएको र अब चेकबाट रकम उपभोक्ता समितिको खातामा जम्मा हुने काम बाँकी रहेको र जम्मा हुने बित्तिकै रकम झिकेर गाउँतर्फ लाग्ने बताएका छन ।
तीन वर्ष पछि सदरमुकाम सिमकोट आई पुगेका लामाले योजनाको काम नभए आउन नपाईने बताएका छन् । वडा अध्यक्ष पाल्जोर तामाङले गाउँमा सिंहदरबार आई पुगेको भएपनि लिमीबासीले अहिले पनि चार दिन पैदल हिडेर योजनाको रकम बुझनु पर्ने बाध्यता रहेको बताएका छन ।
गाउँपालिका, प्रदेश सरकार गैससद्धारा लिमीमा नौ वटा योजनाको निर्माण भएका छन् । हालसम्मकै सबै भन्दा बढी योजनाहरु लिमीमा परेका छन् । ती योजनाका लागि गाउँले छुट्टछुट्टै उपभोक्ता समिति गठन गरेर निर्माण कार्य गरेका थिए । यसका लागि सिमकोटमा भुक्तानी लिन वडा अध्यक्ष सहित ११ जनाको टोली सिमकोट आई पुगेको छ । सबै योजनाको भुक्तानीका लागि सदरमुकाम सिमकोट आएको टोलीलाई खाना तथा बास खर्च भने गाउँले मिलेर गरेको कामको बजेटबाटै खर्च ब्यबहोर्नु पर्नेछ । त्यो बाहेक अन्य सबै हरहिसाब सिमकोट आई पुगेको टोलीले हिसाब गाउँ फर्के पछि समुदायलाई देखाउनु पर्नेछ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
