०९ पौष २०८१, मंगलबार
दाने बोहरा बिहिबार, साउन ०१, २०७७ मा प्रकाशित
उच्च हिमाली जिल्ला हुम्लाबाट एक वर्षको अवधीमा १८ जना गर्भवती महिलाको हेलीकोप्टरबाट उद्धार गरीएको छ ।
तीन देखि एक हप्तासम्म ब्यथाले छटपटाएकी गर्भवती महिलाहरुको संघीय तथा प्रदेश सरकारले हवाई उद्धार गरेर ती महिलाहरुलाई बचाएको हो ।
नाम्खा गाउँपालिका वडा नम्बर ५ को लिमीका वडा अध्यक्ष पाल्जोरले पछिल्लो पटक मंगलवार गर्भवती महिलालाई हेलिकोप्टमा सुर्खेत उद्धार गरिएको जानकारी दिनुभयो । चार दिनसम्म प्रशब ब्यथाले थलिएका महिलाको स्थानीय प्रशासनको समन्वयमा उद्धार गरिए पछि सुर्खेतमा सफल रुपमा बच्च जन्मिएको लामाले बताउनुभयो ।
स्वास्थ्य सेवा कार्यालयका प्रमुख प्रेम बहादुर सिंहले गत साउन महिना यता हुम्ला जिल्लाबाट १८ जना सुत्केरी ब्यथाले छटपटाएका महिलाको हेलिकोप्टरबाट नेपालगंज, सुर्खेत, जुम्ला र जिल्ला अस्पताल सिमकोटमा उद्धार गरिएको हो । उनीहरु सबै तीन देखि सात दिनसम्म ब्यथा लाग्दा स्थानीय प्रशासनको समन्वयमा हेलिकोप्टरबाट उद्धार गरिएको हो ।
प्रमुख सिंहका अनुसार उद्धार गरिएका मध्य नाम्खा गाउँपालिकाबाट चार जना, चंखेली गाउँपालिकाबाट पाँच जना, सर्केगार्ड गाउँपालिकाबाट दुई जनालाई जुम्ला, सुर्खेत र नेपालगंज उद्धार गरिएको थियो भने जिल्ला भित्रैबाट सात जना महिलाको हेलिकोप्टरबाट उद्धार गरि जिल्ला अस्पतालमा ल्याएर सफल रुपमा सुत्केरी गरिएको हो । उद्धार गरिएको सबै गर्भवती महिलाले सफल रुपमा बच्चा जन्माउनु भएको थियो ।
जिल्ला अस्पतालका सिनीयर अनमी सरिता बोहराका अनुसार केही सुत्केरी त अन्तिम अबस्थामा उद्धार गरिएको भएपनि चिकीत्सक तथा स्वास्थ्यकर्मीको सफल प्रयासले उनीहरु र बच्चा बाँच्न सफल भएका हुन् ।
उद्धारका लागि प्रयोग भएको हेलिकोप्टको भाडा भने महिला बालबालिका तथा जेष्ठ नागरिक मन्त्रालयले तीन वटाको र बाँकी १५ वटा हेलिकोप्टरको भाडा कर्णाली प्रदेश सरकारको सामाजिक बिकास मन्त्रालयले ब्यहोरेको छ ।
यसरी भर्गवतीको हेलिकोप्टबाट उद्धार गर्ने कार्य गर्त वर्ष ११ जना रहेका थिए । सरकारले हिमाली क्षेत्रका गर्भवती महिलाका लागि एयरलिफ्टको ब्याबस्था गरेपछि उद्धार गरिने महिलाको संख्यामा वृद्धि भएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
