०९ पौष २०८१, मंगलबार
नन्द सिंह सोमबार, आषाढ २२, २०७७ मा प्रकाशित
हुम्ला,
जिल्ला सदरमुकाम सिमकोटमा रहेको एक मात्र जिल्ला स्वास्थ्य सेवा कार्यालय हुम्लामा सिसिटिभि जडान गरिएको छ । सो कार्यालयमा चोरी, तोडफोड र विभिन्न अपराधका घटनाहरुबाट बचाउनका लागि हाल सिसिटिभि जडान गरिएको हो ।
यतिखेर सो कार्यालयको प्रशासन, इमरजेन्सी, ओपिडि र फार्मेसी जस्ता कोठाहरुमा सिसिटिभि जडान भएको जिल्ला स्वास्थ्य सेवा कार्यालय हुम्लाका सुचना अधिकारी भक्ति फडेराले जानकारी गराए । हाल स्वास्थ्य सेवा कार्यालयमा जम्मा आठवटा सिसिटिभि आएका मध्य चारवटा जडान गरि सकिएको छ भने चारवटा सिसिटिभि तारको अभावमा जडान गर्न बाँकी रहेको अधिकारी फडेराको भनाई छ ।
सो टिभि जडानको कार्य एक हप्ता अगाडीदेखि नै भई रहेको स्वास्थ्य सेवा कार्यालय हुम्लाको स्रोतले जनाएको छ । अव बाँकी रहेका सिसिटिभिभहरु पनि जिल्ला बाहिरबाट तार आए लगतै जडान प्रकृया सञ्चालनमा आउने अधिकारी फडेराले बताए । सो सिसिटिभिलाई करीव १ लाख १० हजार बरावरको खरिद लागत रकम लागेको स्वास्थ्य सेवा कार्यालय स्रोतले जनाएको छ ।
उक्त कार्यालयमा सिसिटिभि जडान गर्नको मख्य उदेश्य बाहिरबाट आएका मानिसहरुले कार्यालयमा रहेका स्वास्थ्य सामग्री, औषधि, चोरी र अज्ञात समुहद्धारा तोडफोडबाट जोगाउनका लागि यो कार्य भई रहेको जनाएको छ । यतिखेर जडान कार्य भने रोकिएको अधिकारी फडेराको भनाई छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
