०९ पौष २०८१, मंगलबार
राज शाही शनिबार, आषाढ २०, २०७७ मा प्रकाशित
हुम्ला
हुम्ला जिल्ला अस्पतालमा बिरामीको चाप अत्याधिक बढेपछि बेडहरु भरिभराउ भएका छन् । मौसमको कारण बिरामीहरु दैनिक रुपमा बृद्धि भएपछि अस्पताललाई उपचारमा समेत कठिनाई भएको हो ।
अस्पतालका डाक्टर टसी लामाले पन्द्र बेडको क्षेमता भएको जिल्ला अस्पताललाई आन्तरिक रुपमा चार थप ब्यबस्था गरेर सबै बेडमा बिरामी भरिभराउ भएको बताए । मौसमका कारण झाडा पखालाका बिरामीहरु निक्कै बढेको बताउदै डा. लामाले दमका बिरामी समेत थपिदा उपचारमा समस्या आएको बताए । यद्यपि जनशक्ति भने आबश्यकता अनुसार रहेको छ ।
अस्पताल भर्ना भएका बिरामी सबै बृद्धबृद्धा र बालबालिका बढी रहेका छन । कुल भर्ना भएका बिरामी मध्य नौ जना बालिबालिका मात्र रहेका छन् । झाडा पखालाका बिरामीहरु दैनिक रुपमा सत्तरी जना भन्दा बढी आउने गरेको अस्पतालले जनाएको छ । उपचारका लागि अस्पतालमा गएका बिरामीहरुको लामो लाईनमा बस्नु परेको छ ।
केही दिन अगाडीसम्म कोरोना संक्रमणको कारण बन्दाबन्दी भएका बेला अस्पतालका बेडहरु खाली भएको अबस्था थियो । डा. लामाका अनुसार बन्दाबन्दी खुकुलो भएपछि अस्पताल जाने बिरामीको संख्या बढेको छ । यो समय फोहोर पानी, हिलो बढी हुने भएको कारण झाडा पखाला लाग्ने संभावना बढी रहेकोले त्यसबाट सचेत रहन अस्पतालले सबैलाई आग्रह गरेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
