०९ पौष २०८१, मंगलबार
राज शाही बिहिबार, आषाढ १८, २०७७ मा प्रकाशित
हुम्ला
खानेपानीको विषयलाई लिएर एक जना महिला माथि खुकुरी प्रहार हुदा गम्भीर घाईते भएकी छन् । घाइते हुने महिलामा सर्केगार्ड गाउँपालिका वडा नम्बर ४ साँया गाउँकी ४५ वर्षया महिला हजारी थापा रहेकी छन् ।
खानेपानीको विषयलाई लिएर छिमेकी संगको विवादले ठुलो रुप लिदा पिडित थापाको टाउकोमा खुकुरी प्रहार गरि गम्भीर घाईते भएको पिडितका छोरा दन्त साउदले बताए । खेतमा काम गरेर घर फर्किएने बेला सो गाउँका नेत्र थापाका आमा छोरा र अन्य एक जना युवा मिलेर खुकुरी तथा ढुङ्गा प्रहार गरि साउदलाई घाईते बनाएको उनले बताएका छन ।
घाईते साउदको साँया स्वास्थ्य चौकीमा प्राथमिक उपचार भै रहेको भएपनि स्वास्थ्यकर्मीले जिल्ला बाहिर रिफर गरेका छन । खुकुरी प्रहारबाट घाईते साउदले दुई पटक बान्ता समेत गरेकी थिइन । बिबादमा संलग्न महिला झला थापा पनि घाईते भएर स्वास्थ्य चौकीमा उपचार गरि रहेको र उनको अबस्था सामान्य रहेको साउदले बताए ।
खुकुरी प्रहार गर्ने थापा सहित अर्का एक जनालाई प्रहरीले नियन्त्रणमा लिएर अनुसन्धान सुरु गरेको जनाएको छ । घाईतेको हेलिकोप्टरबाट काठमाडौं उपचारका लागि लैजाने ब्यबस्थाका लागि गृह मन्त्रालयमा लेखी पठाएको र त्यसपछि उद्धार हुने प्रमुख जिल्ला अधिकारी चिरन्जीबी गिरीले बताएका छन् । थप अनुसन्धान र मुद्धा दर्ताका लागि उनीहरुलाई जिल्लामा ल्याउने तयारी भई रहेको छ । घटना स्थल सदरमुकाम सिमकोटबाट डेढ दिन पैदल लाग्छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
