०८ पौष २०८१, सोमबार
राज शाही बुधबार, आषाढ १७, २०७७ मा प्रकाशित
हुम्ला
भान्सामा तरकारी फराइ गर्ने क्रममा तातेको तेलको लप्काले एक जना बालकको अनुहार जलाएको छ । भान्सामा तरकारी भुट्ने क्रममा प्याज कराईमा राखि सकेको बेला खारिएको तेलमा तरकारी राख्दा तेलको राँको आएर अनुहार तथा आँखा जलाएको हो ।
आँखा तथा अनुहार जल्नेमा खार्पुनाथ गाउँपालिका वडा नम्बर ४ को छिप्रा गाउँका १३ वर्षिया बालक सुरेश रावल रहेका छन् । तरकारी भुट्ने बेला तातेको तेलको राँको आएर अनुहार तथा आँखा जलाएको पिडितका बुबा गोपाल रावलले बताएका छन् ।
तातेको तेलले अनुहार जलाएको छ भने तेलको छिटा दुबै आँखा भित्र परेर देख्न समेत कठिन भएको पिडित बालकका वुबा गोपाल रावलले बताएका छन् । तेलले अनुहार र आँखा जलाएको बालक रावललाई बुवा आमाले बोकेर जिल्ला अस्पताल हुम्लामा ल्याई पुर्याएका छन् । अस्पतालमा प्राथमिक उपचार भै रहेको र जिल्लामा उपचार गर्न नसकिने भए पछि जिल्ला बाहिर रिफर गर्नु पर्ने अस्पतालले जनाएको छ ।
अस्पतालले केही उपचार सुरु गरेपनि आँखाका स्वास्थ्यकर्मी बम बोहराले बिरामीको केस जटिल भएकोले बताएका छन् । आर्थिक रुपमा कमजोर परिवारका सदस्यहरुलाई तातो तेलले अनुहार जलाएका बालकको जिल्ला बाहिर लिएर उपचार गर्न कठिन भएको बुवा रावलले बताएका छन । बालक सहयोगी हातको पखाईमा रहेका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
