०८ पौष २०८१, सोमबार
नन्द सिंह बुधबार, आषाढ १०, २०७७ मा प्रकाशित
हुम्ला,
खार्पुनाथ गाउँपालिका–३ को कारङ्गमा रहेको ज्ञानज्योती प्रावि विद्यालयमा रहेका २५ वर्षीय एक पुरुषमा आरडिटी पोजेटिभ देखिएको छ । केही दिन अगाडी मात्र काठमाण्डौँबाट हुम्ला पुगेका युवालाई आरडिटी चेक गर्दा पोजेटिभ देखिएको जिल्ला स्वास्थ्य सेवा कार्यालय हुम्लाका प्रमुख प्रेमबहादुर सिंहले बताए ।
उनका अनुसार पैदलमार्गबाट जिल्ला पुगि करीव १३ दिनको अभदि पुगेर क्वारेन्टाइनमा रहेकै वेला असार ९ गतेमात्र आरडिटी चेक जाँच गर्दा एक जनाको आरडिटी पोजेटिभ देखिएको हो । हाल सो विदद्यालयको क्वारेन्टाइनमा चार जना रहेका छन् ।
सो व्यक्तिहरु काठमाण्डौँबाट मुगुसम्म गाडीमार्फत उद्धार गरिएका थिए भने त्याँहाबाट पैदलमार्ग हुँदै खार्पुनाथ गाउँपालिका पुगेको जिल्ला स्वास्थ्य सेवा कार्यालयको स्रोतले जनाएको छ । सो विद्यालयमा रहेका व्यक्तिमा आरडिटी पोजेटिभ देखिए लगतै असार १० गते नै जिल्ला स्वास्थ्य सेवा कार्यालयले १२ वटा भिटिएम किट सहित खार्पुनाथ गाउँपालिका स्वास्थ्यकर्मीलाई सो क्वारेन्टाइन स्थल तर्फ खटाएको छ ।
हाल सो ठाउँमा रहेका चारै जनाको पिसिआर संकलन गरि असार ११ गते सुर्खेत पठाइने भएको प्रमुख सिंहको भनाई छ । त्यस्तै केही दिन अघिमात्र खार्पुनाथ गाउँपालिका–४ को छिप्रामा रहेको सिता मावि विद्यालयमा रहेका १७ वर्षीय एक बालकमा आरडिटी पोजेटिभ देखिए पनि पिसिआर रिपोटमा भने नेगेटिभ देखाएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
