०६ पौष २०८१, शनिबार
राज शाही शुक्रबार, कार्तिक ३०, २०८१ मा प्रकाशित
आगामी मङ्सिर १६ गते हुने स्थानीय तह उपनिर्वाचनका लागि हुम्ला जिल्लाको सर्केगाड गाउँपालिका केन्द्र सर्केगाडमा शुक्रबार निर्वाचन अधिकृतको कार्यालय स्थापना भएको छ । हुम्लाका जिल्ला न्यायाधीश तथा मुख्य निर्वाचन अधिकृत शम्भु प्रसाद बरालले औपचारिक रुपमा निर्वाचन कार्यालयको उद्घाटन गरेका छन । निर्वाचन आयोगले सार्वजनिक गरेको निर्वाचन कार्य तालिका अनुसार नै शुक्रबार मुख्य निर्वाचन अधिकृतको कार्यालय स्थापना गरिएको हो ।
सर्केगाड गाउँपालिकाको उपाध्यक्ष पदका लागि हुने निर्वाचनको कार्य तालिका अन्तर्गत मङ्सिर २ गते उम्मेदवारी मनोनयन दर्ता गरिने मुख्य निर्वाचन अधिकृत बरालले जानकारी छन् । निर्वाचन कार्य तालिका अनुसार उम्मेदवारी दर्ताको समय १० देखि ५ बजेसम्म गरी त्यही दिन उम्मेदवारको सूची प्रकाशन गरिने छ । त्यसैगरी, उम्मेदवारको विरोधमा उजुरी दिने मङ्सिर ३ गते र उजुरी माथि छानबिन मङ्सिर ४ गते गरिने छ ।
उजुरीमाथिको छानबिन पछि उम्मेदवारको नामावली सोही दिन प्रकाशन गर्ने कार्यतालिका रहेको छ । त्यसैगरी उम्मेदवारको नाम फिर्ता लिने मङ्सिर ५ गते र उम्मेदवारको अन्तिम नामावली सोही दिन प्रकाशन गरेर सोही दिन उम्मेदवारलाई निर्वाचन चिह्न प्रदान गरिने मुख्य निर्वाचन अधिकृत बराललको भनाइ रहेको छ । यसैबिच, उपनिर्वाचनका लागि सर्केगाड गाउँपालिकामा नेकपा एमाले, नेपाली कांग्रेस, नेकपा माओवादी केन्द्र र राप्रपाले उम्मेदवार घोषणा गरेर घरदैलो अभियान र गाउँसभा गर्न थालेका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
