०८ पौष २०८१, सोमबार
राज शाही बिहिबार, आषाढ ०४, २०७७ मा प्रकाशित
हुम्ला
चीन बुराङ काउण्टीको स्थानीय सरकारले नेपालको नाम्खा गाउँपालिकालाई कोरोना संक्रमण बिरुद्ध प्रयोग हुने स्वास्थ्य सामाग्री सहयोग गरेको छ । केही समय अगाडी हिल्सामा दुई देशका स्थानीय प्रतिनिधि बिच भएको अनौपचारिक छलफलमा ती सामाग्री सहयोग गर्ने चिनीयाँ पक्षको प्रतिबद्धता अनुसार स्वास्थ्य सामाग्री नाम्खा गाउँपालिकालाई उपलब्ध गराएको हो ।
गाउँपालिका अध्यक्ष बिष्णु बहादुर लामाले चिनीयाँ पक्षले नाम्खा गाउँपालिकालाई सहयोग गर्ने प्रतिबद्धता जनाएका स्वास्थ्य सामाग्री गाउँपालिकाले बुझेको बताएका छन । दुई देश बिचको सिमा क्षेत्र हिल्सामा ती सामान गाउँपालिकाको प्रतिनिधिले बुझेर गाउँपालिका केन्द्रमा ल्याउन तयारी भई रहेको छ ।
हाललाई चिनीयाँ पक्षले उपलब्ध गराएका कोरोना बिरुद्धका सामाग्रीहरुमा मास्क, सेनिटाईटर, ग्लोब, आरडिटी किट, थर्मलगन र औषधी रहेका छन् । सामाग्रीहरु बीस भन्दा वढी प्याकेट रहेका छन् । यी सामाग्री बुराङ काउण्टीका स्थानीय सरकारका प्रतिनिधि हिल्सामा आएर हस्तान्तरण गरेका हुन ।
अध्यक्ष लामाका अनुसार ती बाहेक अन्य कोरोना संक्रमण बिरुद्धका किटहरु अहिले बुराङ काउण्टीमा नपाएको र त्यसका लागि लास्हामा लेखेर पठाएकोले आउने बित्तिकै नाम्खा गाउँपालिकालाई हस्तान्तरण गर्ने जनाएको बताउनुभयो । कोरोना बिरुद्धका किट तथा उपकरणर औषधी चिनीयाँ पक्षबाट सहयोग पाएपछि कोरोन संक्रमण बिरुद्ध लड्न नाम्खा गाउँपालिकालाई सहज भएको छ । सिमा जोडिएको नाम्खा गाउँपालिकालाई चिनीया पक्षले अन्य सहयोग पनि उपलब्ध गराउदै आएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
