०७ पौष २०८१, आइतबार
दाने बोहरा बिहिबार, आषाढ ०४, २०७७ मा प्रकाशित
जिल्लाको मुटु मानिने सिमकोट बजार दुर्गन्धित बनेको छ । माथिललो बजार एर्पोट चोक नजिक रहेको लोकतन्त्र चोकमा बनाइएको प्रतिक्षालयमा फोहोर दिनप्रतिदिन थुपारिदैछ । विहानै देखि भिडभाड हुने लोकतन्त्र चोकमा अहिले बन्दाबन्दीका कारण फोहोरको थुप्प्रो लाग्ने गरेको छ । एका तिर प्रतिक्षालय बनेको छ भने अर्को तिर त्यस आसपास क्षेत्रमा बस्दै आएका नागरीकले दैनिक दिन घर, तथा पसल, होटेलहरुको फोहोर थुपार्ने गरेका छन् ।
सबैको आवतजावत गर्ने मुख्य बाटो क्षेत्रमा प्रतिक्षालय भएकाले हरेक नागरिकको आँखा त्यहि जान्छ । उल्टै चोकले हिड्ने बटुवालाई गिज्याएको जस्तो भान हुन्छ । उक्तचोकमा थुपारिएको फोहोर डुङडुङती गनाउछ भने अर्को तिर अब्यबस्थित ढल, चोकमा जाने जो कोहीले लज्जास्पद महसुस हुने गरेको छ ।
सदरमुकाम सिमकोटको मुटु नै हरेक नागरिकलाई गिज्याई रहँदा स्थानिय सरोकारवाला निकाय भने मौन बसिरहेको स्थानिय नागरिकहरुले बताउने गरेका छन् । यो चोकमा लामो समय देखि फोहोर थुप्रिदै आएको छ । यसलाई ब्यबस्थित बनाउन नसक्दा प्रतिक्षालय दुर्गन्धित बन्दै गएको छ । सिमकोट गाउँपालिका, सरकारी तथा गैरसरकारी कार्यालयहरुको भिविन्न कार्यक्रमहरु समेत केहीले काही उकत चोकमा हुने गर्दछ ।
सिमकोट गाउँपालिकामा कर्मचारी भन्दा कार्यालय सहयोगीको संख्या बढी छ । तर कार्यालय सहयोगि धेरै भएपनि बजार क्षेत्र फोहोरै फोहर छ । बजार क्षेत्रको फोहोर समयमै व्यवस्थापन हुनुपर्ने स्थानीयको माग छ । सिमकोट बजार क्षेत्रका मुख्य चोक र बजार क्षेत्रमा फोहोर व्यवस्थापन नगरेपछि दैनिक बजारका चोकहरुमा फोहोर थुप्रिने गरेको छ ।
सिमकोट गाउँपालिकाले वर्षेनी गाउँसभामा सिमकोट बजार क्षेत्रको फोहोर व्यवस्थापनका लागी भनेर रकम समेत छुटाउने गरेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
