१७ बैशाख २०८२, बुधबार
राज शाही आइतबार, आषाढ ०३, २०८१ मा प्रकाशित
सामुदायिक सिकाई केन्द्रका लागी आवश्यक पर्ने विभिन्न किसिमका कृषि सामाग्रीहरु वितरण गरिएको छ । सहकारी संस्थालाई वितरण गरिएका सामाग्रीमा गार्डेन पाइप, बाल्टी, नंग्रे, स्प्रिङकल , कुटो, स्प्रे ट्यांक, ड्रम रहेको लघुवित्त सहकारी विकास अधिकृत रमेश बहादुर शाहीले बताएका छन् ।
उक्त सामाग्री जिल्ला भित्र एकीकृत सामुदायिक बिकास परियोजन अन्तर्गत प्रबर्द्दित सहकारी संस्था भित्र आबद्द रहेका कृषकहरुलाई वितरण गरिएको अधिकृत शाहीले बताएका छन् । कृषकहरुको जिविकोपार्जन सुधार तथा बाताबरण मैत्री तवरले तरकारी उत्पादन गरी उत्पादकत्व बढाउनको लागी उक्त सामाग्री सहयोग भएको हो ।
सामाग्री गुडनेवर्स इन्टरनेशलन नेपालको आर्थिक सहयोग र स्नोल्याण्ड एकिकृत बिकास केन्द्र हुम्लाको सहकार्य तथा समन्वयमा हुम्ला जिल्ला भित्र एकीकृत सामुदायिक बिकास परियोजन अन्तर्गत प्रबर्द्दित सहकारी संस्था भित्र आबद्द रहेका कृषकहरुलाई आइतबार वितरण गरिएको हो । कृषि सामाग्री पाउनेमा दुधकुन्ड महिला विकास बहूदेश्शिय सहकारी संस्था (छिप्रा,माजा र नल्ना ) का १ सय २६ जना , पन्चमुखी दुधेदह कृषि सहकारी संस्था (सिमकोट तल्लो र माथिल्लो गाउँ, हिल्दुम र बुराउँसे ) का ८४ जना र मस्टदेब कृषि सहकारी संस्था ठेहेका ५० जना कृषकहरु ( महिला-२ सय ४१ जना र पुरूष-१९ जना ) गरि जम्मा २ सय ६० जना कृषकलाई वितरण गरिएको हो ।
समुदाय स्तरमा नै प्रबिधिको प्रयोग गर्न सिकाउनको लागी सिकाई केन्द्र स्थापना गर्न सामुदायिक सिकाई केन्द्रका लागी आवश्यक पर्ने विभिन्न किसिमका कृषि सामाग्रीहरु ( गार्डेन पाईप, बाल्टी, नंग्रे, स्प्रिङकल , कुटो, स्प्रे ट्यांक, ड्रम ) लगायतका सामाग्रीहरु कृषकहरुलाई वितरण गरिएको छ ।
दिवा खाजाको लागी स्टोर गरीएका खाध्य पदार्थ चोरी
बन्द हुदै आएको कर्णाली करिडोरको बोक्चेगौडा सडक आजबाट खुल्ला
एकिकृत सामुदायिक बिकास परियोजना ब्यबस्थापन समिति गठन
