०६ पौष २०८१, शनिबार
राज शाही बिहिबार, जेठ ३१, २०८१ मा प्रकाशित
२ दिने सरोकारवालाहरुलाई न्याय सम्पादन सम्बन्धि अभिमुखीकरण कार्यक्रम संचालन भएको छ । हुम्लाको नाम्खा गाउँपालिकाका ६ वटै वडाका वडा अध्यक्ष, वडा सदस्य, गाउँ कार्यपालिकाका सदस्य, कर्मचारी, स्थानियवासीका लागी न्यायीक अभिमुखीकरण कार्यक्रम संचालन भएको हो । नाम्खा गाउँपालिकाको आयोजनामा संचालन भएको अभिमुखीकरण कार्यक्रमलाई जिल्ला न्यायाधीश शम्भु प्रसाद बराल र श्रेस्तेदार ज्ञानबहादुर खत्रीले कानून सम्बन्धीका विषयमा जानकारी तथा प्रशिक्षण गरेका थिए । हुम्ला जिल्ला अदालतको बार्षिक कार्ययोजना अनुसार अर्धन्यायीक निकायको निरिक्षण गर्ने क्रममा गत जेठ २५ र २६ गते उक्त कार्यक्रम नाम्खा गाउँपालिका केन्द्र याल्बाङमा संचालन भएको हो ।
बालबिबाह, बहुविवाह, जवरजस्ती करणी, सम्बन्ध विच्छेद, घरेलु हिंसा गरेमा हुने कानूनी व्यवस्था, सजाय तथा जरिवानाकाका बारेमा हुम्ला जिल्ला अदालतका न्यायाधीश शम्भु प्रसाद बरालले प्रशिक्षण गरेका थिए । न्यायीक समितिको अधिकारक्षेत्रको प्रयोग, न्याय सम्पादनको प्रक्रिया, न्यायीक समितिको गठन, न्यायीक समितिको अधिकार क्षेत्र, स्थानिय तह आफैले विवादको निरुपण कार्वाही र किनारा गर्ने विषय, न्यायीक समितिको अधिकार क्षेत्र कसरी प्रयोग गर्ने,न्यायीक समितिको न्याय सम्पादनको प्रक्रिया, मेलमिलाप प्रक्रिया र आधारभुत चरणका विषमा हुम्ला जिल्ला अदालतका श्रेस्तेदार ज्ञानबहादुर खत्रीले प्रशिक्षण गरेका थिए ।
नाम्खा गाउँपालिका उपाध्यक्ष एव न्यायीक समितिका संयोजक तक्दिर लामाको अध्यक्षता र जिल्ला न्यायाधीश शम्भु प्रसाद वरालको प्रमुख आतिथ्यमा संचालन भएको न्यायीक अभिमुखीकरण कार्यक्रमलाई सोही समितिका सदस्य सचिव ग्याछो लामाले उत्घोषण गरेका थिए ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
