०७ पौष २०८१, आइतबार
राज शाही बिहिबार, फाल्गुण २४, २०८० मा प्रकाशित
दादुरा रुवेल खोपको भ्याक्सिन ढुवानीका लागी हुम्ला जिल्लामा समस्या भएको छ । हुम्ला जिल्लाको उच्च हिमाली भेगमा रहेको नाम्खा गाउँपालिका वडा नं ६ को हिमाल पारीको गाउँ लिमीमा दादुरा रुवेला खोपको भ्याक्सिन ढुवानी गर्न समस्या भएको जिल्ला स्वास्थ्य सेवा कार्यालयका प्रमुख प्रेमबहादुर सिंहले बताएका छन् ।
सिहका अनुसार उक्त गाउँपालिका वडा नं ६ को लिमीमा जाने एक मात्र पैदल मार्ग न्यालु लेखमा फागुन दोश्रो र तेश्रो साता परेको हिमपात करिव ६ फिट सम्म जमेकाले स्वास्थ्यकर्मी दादुरा रुवेला खोपको भ्याक्सिन लिएर जान नसक्ने भएकाले खोपको ढुवानीका लागी हेलिकप्टरको व्यवस्थाका लागी स्वास्थ्य सेवा निर्देशनालय बीरेन्द्रनगर सुर्खेतलाई पत्राचार गरेको प्रमुख सिंहले बताएका छन् । जसको बोधार्थ सामाजिक विकास मन्त्रालय बिरेन्द्रनगर सुर्खेत जिल्ला प्रशासन कार्यालय हुम्ला र नाम्खा गाउँपालिकालाई दिएको छ ।
हेलिकप्टरबाट दादुरा रुवेला खोपको भ्याक्सिन ढुवानी हुन नसकेमा नेपाल सरकारले तोकिएकै मितिमा सो खोप लगाउन नसकिने जिल्ला स्वास्थ्य सेवा कार्यालय हुम्लाले जनाएको छ । यस अघि बालबालिकालाई दिइदै आएको नियमित खोप पनि हिमपातका कारण नाम्खा गाउँपालिका वडा नं ६ मा लगाउन नसकिएको जिल्ला स्वास्थ्य सेवा कार्यालय हुम्लाका प्रमुख प्रेमबहादुर सिंहले बताएका छन् । यस अघि बालबालिकालाई लगाउदै आएको नियमित खोप पनि विगत ४ महिना देखि लगाउन नसकिएको सिंहले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
