०७ पौष २०८१, आइतबार
राज शाही बिहिबार, आषाढ ०४, २०७७ मा प्रकाशित
हुम्ला
शिक्षा तथा मानब श्रोत केन्द्रले असार १ गतेबाट सुरुवात गरेको भर्चुअल शिक्षण पद्धतीको पहुँच भन्दा हुम्लाका आधिकाँस बिधार्थी बाहिर रहेका छन । अधिकाँसको घरमा टेलिभिजन र रेडियोको सुबिधा नभए पछि अहिलेका शिक्षण पद्धतीबाट बिधार्थीहरुले बाहिर रहनु परेको हो । सदरमुकामका विद्यालय र केही हुने खानेका छोराछोरीले टेलिभिजनबा हुने शिक्षा प्राप्त गर्न सकेपनि धेरै त्यो पहुँच भन्दा बाहिर रहेको कारण अन्य बिकल्प दिनु आवश्यक छ ।
बालमन्दिर माविका शिक्षक मधु बस्नेतले हिमाली जिल्लाका लागि यो शिक्षण पद्धती उपयोगी नभएको बताउदै हुने खानेलाई सहज भएपनि हुदा खाने भने बिमुख रहेको बताईन । घरमा टेलिभिजन हुनेले असार १ गतेबाटै पठन पाठन सुरु गरेको भएपनि सबैको अबस्था उस्तै नरहेको बताउनु हुने बस्नेतले बिधार्थीको समस्यालाई ध्यानमा राखेर बिकल्प ल्याउन पर्ने बताएकी छन् ।
पछिल्लो शिक्षण पद्धती बारे धेरैलाई जानकारी पनि नभएको अबस्था रहेको छ । मानसरोवर नमूना माविका प्रधानाध्यापक अमर बहादुर शाहीले टेलिभिजनबाट शिक्षण गर्ने पद्धती हुम्लाका लागि उपयोगी नभएको बेला पछिल्लो शिक्षण पद्धतीबाट हुम्लाका असी भन्दा बढी प्रतिशत बिधार्थी छुटेको बताए ।
हुम्ला जस्ता जिल्लाका लागि रेडियो शिक्षण बिधि केही रुपामा उपयोगी देखिएको कारण स्थानीय एफएमको रिले स्टेसन स्थपान गर्ने र बिधार्थीका हातहातमा रेडियो दिने हो भने यसबाट पठन पाठन गर्न सकिने छ । प्रअ शाहीले यसका लागि प्रदेश र स्थानीय सरकारले बिशेष ध्यान दिनु पर्ने सुझाब दिएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
