०७ पौष २०८१, आइतबार
राज शाही शनिबार, पौष २१, २०८० मा प्रकाशित
नाम्खा गाउँपालिका कार्यालय अन्र्तगत सामाजिक बिकास शाखाले बाल बिबाह बिरुद्ध “उमेर नपुगी बिबाह ” नामक सडक नाटक प्रस्तुत गरेको छ । अहिलेको अवस्थामा पनि गाउँगाउँमा बालबिबाह नरोकिएको कारण जनचेतना फैलाउनका लागि शाखाले वडा स्तरमा सडक नाटक प्रस्तुती गरेको हो । गाउँपालिकाले वर्तमान अवस्थामा पनि गाउँ गाउँमा बालबिबाह नरोकिएको कारण त्यस बिरुद्ध जनचेतना फैलाउन कलाकारलाई सहभागी गराएर सडक नाटक मञ्चन गरिएको जनाएको छ ।
उत्तरी नाम्खा गाउँपालिका जिल्लाका अन्य गाउँपालिकाको तुलनामा बालबिबाह कम हुने गरेको भएपनि त्यसलाई हटाउन नसकिएको कारण नाटक प्रस्तुती गरिएको होे । सडक नाटक शाखाले वडा स्तरमा सञ्चालन गरेको भएपनि हिमालपारीको गाउँ लिमीको वडामा भने बाटो बन्द भएको कारण त्यहाँ भने गर्न सकेको छैन् । नाटकमा कलाकारहरुले कथा मार्फत बाल बिबाह कानुनी अपराध भएको सन्देश दिन खोजेको थियो ।
सडक नाटकमा बाल बिबाहका बेफाईदा, यसले बालिकामा पार्न सक्ने नकरात्मक असर, शारिरिक समस्या, कानूनी समस्याहरु नाटकका विषयवस्तु रहेका थिएन । नाटक मञ्चन गर्ने कार्यक्रम स्थलमा बीस वर्ष मुनिका बालबालिकाहरुलाई सहभागिता गरिएको थियो । सडक नाटक प्रस्तुती भएको स्थानमा सहभागी हुनु भएका बालबालिकाले बीस वर्ष नपुगी बिबाह नगर्ने प्रतिबद्धता समेत ब्यक्त गर्नु भएको थियो । सडक नाटकका लागि बाल कलाकारहरुलाई पात्रका रुपमा प्रयोग गरिएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
