०७ पौष २०८१, आइतबार
राज शाही मंगलबार, मंसिर १९, २०८० मा प्रकाशित
हिमाली जिल्ला हुम्लामा २० औ महिला सामुदायीक स्वास्थ्य स्वयम सेविका दिवस भव्यरुपमा मनाइएको छ । स्वास्थ्य क्षेत्रमा दिगो विकास महिला सामुदायिक स्वास्थ्य स्वयंम सेविकाको संयुक्त प्रयास भन्ने मुल नाराका साथ यो दिवस हुम्ला जिल्लाका ७ वटै गाउँपालिकामा भव्यरुपले मनाइएको हो। केही गाउँपालिकाले महिला सामुदायिक स्वास्थ्य स्वयम सेविका र स्वास्थ्यकर्मी बीच अन्तरक्रिया र उनीहरुको हकहितका विषयमा छलफल गरी मनाइएको जानकारी प्राप्त भएको छ ।
सिमकोट गाउँपालिकामा रहेका स्वास्थ्य चौकीले आफ्नो मातहतका टोल वस्तीमा र्याली तथा जनचेतनामुलक सन्देश सहित परिक्रमा गरी यो दिवस मनाएका छन् । सिमकोट गाउँपालिका वडा नं ५ र ६मा सिमकोट गाउँपालिकाको आयोजना र जिल्ला स्वास्थ्य सेवा कार्यालयको सहकार्यमा मानसरोवर होटलबाट र्याली निकाली जिल्ला अस्पताल र जिल्ला अस्पताल हुँदै बजार परिक्रममा गरी पुन मानसरोवर होटलमा पुगी औपचारी कार्यक्रम संचालन गरिएको सिमकोट गाउँपालिका स्वास्थ्य संयोजक नर भण्डारीले बताएका छन् ।
दिवसका अवसरमा सिमकोट गाउँपालिकाले महिला सामुदायीक स्वास्थ्य स्वयम सेविकाले गर्नु पर्ने कामहरु मध्य उत्कृष्ट काम गर्ने महिला स्वयम सेविकालाइ पुरस्कृत गरेको छ । जसमा डाँडाफया स्वास्थ्य चौकी अन्तरगत रिता सिंह, सिमकोट स्वास्थ्य चौकीबाट सरस्वती रावत वरगाउँ स्वास्थ्य चौकीबाट छिरिङ होसाल लामा ठेहे स्वास्थ्य चौकीबाट ललिता लामा र स्याडा स्वास्थ्य चौकीबाट पनि एक जना महिला स्वास्थ्य स्वयम सेविकालाइ समानित गरेको संयोजक भण्डारीले बताएका छन् । यस अघि सिमकोट गाउँपालिकाले सम्मानित हुनका लागी महिला सामुदायी स्वास्थ्य सयम सेविकाले गर्नु पर्ने कामको माप दण्ड तोकेको थियो ।
जसमा मासिक प्रतिवेदन स्वास्थ्य चौकीलाई बुझाउनु पर्ने, आमा समुहको नियमित बैठक राख्नु पर्ने, गर्भवति सुत्केरी जाँच नियमित स्वास्थ्य संस्थामा गराउनको लागी उल्लेखनिय भुमिका खेलेको हुनु पर्ने, बाल स्वास्थ्यका काममा अग्रणी भुमिका खेलेको हुनु पर्ने लगाएतका रहेको सिमकोट गाउँपालिका स्वास्थ्य संयोजक भण्डारीले बताएका छन् ।
नेपालका महिला स्वास्थ्य स्वयंसेविकालाई प्रोत्साहन तथा उच्च सम्मान प्रदान गर्दै सरकारद्वारा अन्तर्राष्ट्रिय स्वयंसेवक दिवस (डिसेम्बर ५) लाई महिला स्वास्थ्य स्वयंसेविका दिवसको रुपमा मनाउन थालिएको जिल्ला स्वास्थ्य सेवा कार्यालय प्रमुख प्रेमबहादुर सिंहले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
