०८ पौष २०८१, सोमबार
राज शाही शनिबार, आश्विन २७, २०८० मा प्रकाशित
हिमाली जिल्ला हुम्लामा विकासले फड्को मार्न थालेको छ । हुम्ला जिल्लाको सदरमुकाम सिमकोटमा यस अघि हिड्ने बाटोका लागी पनि झै झगडा हुने सिमकोटमा अहिले वजार क्षेत्रमा ७ मिटर चौडा बाटो ढलान भएका छन् । मुख्य बाटोहरु काठे चुली, धुपीरुख, काठेचुली मुग्राधारा, सम्मको बजार ढलान भएका छन् भने काठेचुली शिवमन्दिर सम्म पनि ७ मिटर कच्चीबाटो ढुङ्गा सोलिङ समेत भएको छ ।
काली चोक देखि माथिल्लो गाउँ लादेबाडा सम्मको सडकलाई चौडा सँगै ढलानका लागी सिमकोट गाउँपालीकाले सार्वजनिक जग्गा खोजी र नक्साङकन गर्ने कार्य सुरु गरेको छ । सिमकोट गाउँपालिकामा नयाँ प्रमुख प्रशासकिय अधिकृत शुवास आले आए संगै यो आर्थिक वर्षमा सिमकोट गाउँपालिका भित्रका सार्वजनिक जग्गाको खोजी, नक्साङकन र जग्गा वर्गीकरणको कामलाइ पहिलो प्राथामिकतामा राखेको पाइएको छ । सिमकोट वजारलाई व्यवस्थित गर्नका लागी मुख्य सडक र सायक सडकलाइ छुट्याइ त्यसलाई ढलान गर्ने कार्यलाई प्राथामिकता दिइने प्रमुख प्रशासकिय अधिकृत आलेले बताएका छन् ।
आफुलाई कुनै लोप लालच नभएको र हुम्लामा बस्दा रहँदा केही उदारणीय काम गर्न पाएको भए आफुलाई सन्तुष्टि मिल्ने बताएका छन् । सिमकोट गाउँपालिकामा प्रमुख प्रशासकिय अधिकृतको रुपमा सपथ लिए सँगै गाउँ पालिकाका कर्मचारी, अध्यक्ष, उपाध्यक्ष, कार्यपालिका सदस्य सबैको साथ सहयोग पाएकोले सिमकोट विकासका लागी आफु उत्साहित भएको बताएका छन् ।
आफ्नो घर आगनमा सावारी साधन पुग्दा घर जग्गाको मुल्याङकन राम्रो आउने, अति आवश्यक परेका वेला घरकै मुल ढोकाबाट सवारी साधन प्रयोग गर्न सकिन्छ भने एक हात एक मिटर बाटोका लागी जग्गा दान गर्दा केही फरक नपर्ने प्रमुख प्रशासकिय अधिकृत आलेले बताएका छन् । शनिबार सिमकोट गाउँपालिका अध्यक्ष विजय भण्डारी, उपाध्यक्ष शुसिला रोकाया, प्रमुख प्रशासकिय अधिकृत शुवास आले, नापीका कर्मचारी, सुरक्षाकर्मी लगाएत सरोकारवालाले काली चोक देखि माथिल्लो गाउँ लादेबाड बीचमा रहेको सार्वजनिक जग्गाको खोजी र नक्साङकन गर्ने कार्यको सुरुवात गरेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
