०८ पौष २०८१, सोमबार
राज शाही मंगलबार, आश्विन २३, २०८० मा प्रकाशित
हुम्ला जिल्लाका कृषक कृषि पशु पालन तथा जडीवुटी फर्ममा व्यवसायीक हुन थालेका छन् । यस अघि आफुले खाने र आफ्ना आफन्तहरुलाई दिनका लागी मात्र लगाइने फलफुलका बोटहरु अहिले व्यवसायीक ढंगले कृषक लाग्न थालेका छन् । हिमाली जिल्ला हुम्लामा स्थापित सरकारी तथा गैर सरकारी कार्यालयले फलफुल तथा पशु पालनमा आत्म निर्भर गराउनका लागी लगानी गर्न थालेपछि किसान व्यक्तिगत तथा सामुहिकरुपमा जग्गा भाडमा लिइ वा निजी जग्गालाई प्रयोग गरि कृषि फर्म गर्न थालेका छन् ।
हुम्ला जिल्लाको मध्य क्षेत्रमा रहेको चंखेली गाउँपालिका वडा नं २ मा स्थापित देवकोटा कृषि पशुपालन तथा जडिवुटी फर्मको व्यवस्थापन गरी २ सय वटा ओखरका बोटहरु लगाएको र ति वोटहरुले फल दिन थालेको कृषक दिल देवकोटाले बताएका छन् । लगानी अनुसारको आम्दानी राम्रै भएको देवकोटाले बताएका छन् । नितान्त व्यक्तिगत लगानीमा २० वोटबाट सुरु गरिएको उक्त फर्ममा अहिले २ सय ओखरका बोट पुगेको बताएका छन् ।
घेरवारलाई व्यवस्थित गर्न नसक्दा पशु वस्तुले खाइ नोक्सानी गर्दा केही घाटा वेहोर्नु परेको देवकोटाले बताएका छन् । जिल्लाका सरकारी तथा गैर सरकारी कार्यालयले कृषिमा लगानी गर्दा कागजी प्रक्रियालाई मात्र नहेरी बास्तविक फिल्डमा पुगी बगैचा हेरी अनुदान दिनु पर्ने देवकोटाले बताएका छन् । करिव १८ रोपनी जग्गामा लगाइएका ओखरको बजार राम्रो रहेको र उत्पादन गर्न सकेको खण्डमा जिल्ला बाहिर पठाउन पनि सकिने र फर्म नजिकै सवारी साधन समेत पुगेकाले बजारको अभाव नभएको प्रोपराइटर दिल प्रसाद देवकोटाले बताएका छन् । उक्त फर्म २०७६ सालमा स्थापना भएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
