०८ पौष २०८१, सोमबार
राज शाही सोमबार, आश्विन ०१, २०८० मा प्रकाशित
सुरक्षित प्रसुतिका लागी एक महिनाको फरकमा ग्रामिण आल्ट्रा साउण्ड गर्ने गरिएको छ । हिमाली जिल्ला हुम्लामा यस अघि ग्रामिण भेगमा अल्ट्रा साउण्ड नहुदा सदरमुकाम सिमकोटमा रहेको जिल्ला अस्पतालमा पुगी अट्रा साउण्ड गर्नु पर्ने अवस्था रहेको थियो । अल्ट्रासाउण्ड गर्ने मेसिन भए पनि दक्ष कर्मचारी नहुदा जिल्ला अस्पतालका कर्मचारी स्वास्थ्य संस्थामा पुगी अल्ट्रा साउण्ड गर्नु पर्ने वाध्यता थियो ।अहिले यो अवस्था हुम्ला जिल्लामा फेरिएको छ । जिल्लाका सात वटै गाउँपालिकामा रहेका केही स्वास्थ्य संस्था वाहेक वढी जसो स्वास्थ्य संस्थामा गाउँपालिका स्तरमा रहेको स्वास्थ्य शाखाका स्वास्थ्यकर्मी पुगी अल्ट्रासाउण्ड गर्दै आएका छन् ।
सिमकोट गाउँपालिका स्वास्थ्य शाखाले एक महिनाको अन्तरालमा सोही गाउँपालिका वडा नं ७ र ८ वडामा अल्ट्रा साउण्ड गरेको सिमकोट गाउँपालिका नर्सिङ स्टाप मनमाया वली शाहीले बताएकी छन् । सिमकोट गाउँपालिका वडा नं ८ सामुदायीक स्वास्थ्य इकाइ साँतामा ५ जनी, स्याँडा स्वास्थ्य चौकीमा ११जनी, वडा नं ७ को डाँडाफया स्वास्थ्य चौकीमा १३ जनी, सामुदयी स्वास्थ्य इकाइ खोल्सीमा १० जनी, सामुदायीक स्वास्थ्य इकाइ चौगान फयामा ६ जनी गर्वती महिला गरी जम्मा ४५ जनी गर्भवती महिलाको ग्रामिण अल्ट्रा साउण्ड गरिएको नर्सिङ स्टाप मनमाया वली शाहीले बताएकी छन् ।
महिला स्वास्थ्य कर्मी सम्वन्धित स्थलमा पुगी गरिएको ग्रामिण अल्ट्रा साउण्डमा सिमकोट गाउँपालिका वडा नं ८ खोल्सी गाउँकी एक जना महिलाको पेटमा ६ महिनाको वच्चा मरेको पाइएकाले थप उपचारका लागी जिल्ला अस्पतालमा रिफर गरिएको शाहीले बताएकी छन् । गर्भवती महिलाको गर्भमा वच्चाको अवस्था के कस्तो रहेको छ , आमाको स्वास्थ्य अवस्था कस्तो छ, बच्चा सहज पाउन सक्ने अवस्थाकी महिला छन् वा छैनन्, गर्भमा बच्चाको तौल वढेको छ वा छैन लगाएत पत्ता लगाउनका लागी ग्रामिण भेगमा पुगी अल्ट्रा साउण्ड गर्ने उद्दश्य सिमकोट गाउँपालिका स्वास्थ्य शाखाको रहेको वलीले बताएकी छन् । उक्त अल्ट्रासाउण्ड भदौ महिनाको पच्ची गते गरिएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
