२८ चैत्र २०८१, शुक्रबार
राज शाही आइतबार, भाद्र १०, २०८० मा प्रकाशित
बन्चरो प्रहार अभियोगमा जिल्ला प्रहरी कार्यालयल हुम्लाले एक जनालाई पक्राउ गरेको छ । पक्राउ पर्नेमा हुम्ला जिल्ला चंखेली गाउँपालिका वडा नं ६ निवासी वर्ष ४० का बाँचे वुढा रहेका छन् । वुढालाई पक्राउ गरी थप अनुसन्धानका लागी हुम्ला जिल्ला अदालतबाट ७ दिनको म्याद थप गराएको जिल्ला प्रहरी कार्यालय हुम्लाले जनाएको छ । पीडितकी श्रीमती सोबन्धरा वुढाको जाहेरीले वादी नेपाल सरकार प्रतिवादी बाँचे वुढा भएको ज्यान मार्ने उद्योग मुद्दाको अभियोग पीडक बुढालाइ लगाइएको छ ।
पीडित हुम्ला जिल्ला चंखेली गाउँपालिका वडा नं ६ निवासी वर्ष ४० का कर बहादुर वुढा आफ्नै घरमा सुति रहेको अवस्थामा पीडक बाँचबहादुर वुढाले धारीलो हतियार बन्चरोले प्रहार गर्दा पीडितको दायाँ वाँया कानको माथिपट्टीको भागमा गहिरो घाउ चोट लागेको र निजको उपचार हुन नसकेपछि बाजुराको कोल्टी हुँदै काठमाण्डौ आइतबार लगियको जिल्ला प्रहरी कार्यालय हुम्लाले जनाएको छ ।
पीडित बुढाकी श्रीमतीले पीडकलाई पक्राउ गरी कानूनी उपचारका लागी भाद्र ६ गते मेल्छाम प्रहरी चौकीमा निवेदन दिएकी थिइन । पीडक बाँचबहादुर वुढालाई हिरासदमा राखी थप अनुसन्धान गर्नका लागी ७ दिनको म्याद थप गरीएको हुम्ला जिल्ला अदालतका कम्युटर अप्रेटर हिर रोकायाले बताएका छन् ।
ज्यान मार्ने उद्योग गरेमा हुने सजाय
मुलुकी अपराध संहिता २०७४ को दफा १८३ उपदफा १ मा कसैले कसैको ज्यान मार्ने नियतले त्यसको उद्योग गर्नु हुँदैन भनिएको छ । त्यस्तो कसूर गर्ने वा गराउने व्यक्तीलाई दश वर्ष सम्म कैद र एक लाख रुपैया सम्म जरिवाना हुने मुलुकी अपराध संहिता २०७४ को दफा १८३ को उपदफा २ मा व्यवस्था रहेको छ ।
हुम्ला जिल्ला अदालतद्धारा अर्ध न्यायिक निकायहरूको अनुगमन कार्यलाई तिव्र
कारागार भवन निर्माणधिन अवस्थामा रहेकाले थुनुवा तथा कैदी हिरासदमा
हुम्ला जिल्ला अदालतले अर्धन्यायिक निकायहरूको अनुगमन तथा निरिक्षण सुरु
