०९ पौष २०८१, मंगलबार
राज शाही शनिबार, साउन १३, २०८० मा प्रकाशित
कर्णाली करिडोर अन्तरगत पैदल यात्रका लागी लगाइएका २ वटा काठे साँघु वगाउदा बटुवालाइ आवत जावतमा समस्या भएको छ । कर्णाली प्रदेश हुम्ला जिल्लाको सर्केगाड गाउँपालिका वडा नं २ रिपगाड र लिप्ने खोलामा लगाइएको काठे साँघु अविरल वर्षाले खोलामा पानीको वहाव बढे सँगै गएको वाढी पहिरोले उक्त काठे साँघु बगाएको हो ।
साँघु बगाउदा स्थानियवासी सँगै रिप गाउँमा बाढि पहिरोको जोखिममा रहेका गाउँ वस्तीलाई उद्धाराका लागी गएका सुरक्षा कर्मी, स्थानियवासी, बाटो हिड्ने बटुवा र भारवहनका साधनलाई आवत जावतमा समस्या भएको सर्केगाड गाउँपालिका प्रमुख प्रशासकिय अधिकृत नरबहादुर रावतले बताएका छन् ।
सर्केगाड गाउँपालिका वडा नं २ रिप गाउँको दुवै तिर रहेका रिपगाड र लिप्ने खोलामा पानीको वहाव वढ्दा दुवै खोलामा लगाइएको काठे पुल बाढीले बगाएको छ । रिप गाउँका स्थानिय आफ्नो गाउँ रिप भन्दा यता उता जान नपाएको खवर प्राप्त भएको छ ।
सोही गाउँ माथिको पान्लोडि, जिलु, चौकी र लेख आसपासको भुभाकबाट पहिरो खसी कुडिल्ला हुँदै घाट सम्म करिव ५ सय हेक्टर जमिनमा बाढी पहिरो गएको र त्यसै गरी जिलु देखि कुडिल्ला हुँदै घरजिउला सम्मको करिव ३ सय हेक्टर घडेरी जमिनमा क्षेती पुगेको प्रमुख प्रशासकिय अधिकृत रावतले बताएका छन् ।
जसको उद्धारका लागी ब्रहदल गुल्म रानीबनबाट नेपाली सेना २५ जना, नेपाल प्रहरी ३० जना र ससत्र प्रहरी १५ जना गरी ७० जना सुरक्षाकर्मी सर्केगाड वडा नं २ रिपको बाढी पहिरोको बस्तु स्थिती बुझ्न र उद्धारका लागी सदरमुकाम सिमकोटबाट शनिवार विहान १२ वजे हिडेको छ ।सो टोली बैकल्पिक उपाय लगाउदै बाढी प्रभावित क्षेत्रमा पुग्ने कोशिस गरि रहेको जानकारी प्राप्त भएको छ । हुम्ला जिल्लामा सुक्रबार राती १२ वजे देखिनै निरन्तर अविरल वर्षा भइ रहेको छ ।
उक्त टोली अविरल वर्षाले गर्दा र बाटो ठाउँ ठाउँमा भत्केको र पहिरो समेत गएको र खोलामा काठे पुल समेत बगाएकाले सम्बन्धित स्थल सम्म पुगी नसेको जानकारी प्राप्त भएको छ । सर्कीदेउ प्रही भने घटना स्थलमा पुगेको भन्ने खवर सम्म प्राप्त भएको छ । उक्त बाढी पहिरोले के कति क्षेती पुगेको छ उद्धार टोली बाढी पहिरो प्रभावित क्षेत्रमा पुगी मुचुल्का गरेपछि विस्तृत विवण आउने छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
