१० पौष २०८१, बुधबार
राज शाही बिहिबार, जेठ २५, २०८० मा प्रकाशित
हुम्ला जिल्लाको सदरमुकाम सिमकोटमा संचालन भएको एकिकृत स्वास्थ्य शिविरमा विहिबार मात्रै ८ सय ४९ जनाको उपचार गरिएको छ । जसमा उमेर अनुसार जिरो देखि ९ वर्ष समुहका महिला २४ पुरुष ५१, १० वर्ष देखि १४ वर्षका महिला २४ जना पुरुष १९ जना,१५ वर्ष देखि १९ वर्ष सम्मका २४ महिला १३ पुरुष, २० वर्ष देखि ५९ वर्ष सम्मका महिला ३ सय ५४ पुरुष १ सय ८७, ६० वर्ष देखि ६९ वर्षका महिला ५९ पुरुष ५० र ७० वर्ष माथिका महिला २२ पुरुष २१ गरी जम्मा महिला ४ सय ९४ र पुरुष ३ सय ५५ गरी ८ सय ४९ जनालाई सेवा प्रवाह गरीएको सिमकोट गाउँपालिका नरसिह स्टाप मनमाया वली शाहीले बताएकी छन् ।
हुम्लामा ३ बर्ष पछि पहिलो विशेषज्ञ सेवासहितको निःशुल्क बृहत् एकीकृत स्वास्थ्य शिविर सञ्चालन भएको हो । बिहबारबाट हुम्ला जिल्लाको सदरमुकाम सिमकोटमा संचालन भएको शिविर जेठ २७ गते सम्म संचालन हुने जिल्ला स्वास्थ्य सेवा कार्यालय प्रमुख प्रेम सिहले बताएका छन् । उक्त शिविरका लागि ६ जना विशेषज्ञ चिकित्सकसहित ११ जनाको टोली सिमकोट आएको छ ।
बिहान ८ बजेबाट वेलुका ४ बजेसम्म सञ्चालन हुने उक्त शिविरका चिकित्सकिय टोलीलाई जिल्ला अस्पतालका चिकित्सक तथा स्वास्थ्यकर्मी, तीन वटै गाउँपालिकाका स्वास्थ्यकर्मीले समेत शिविरमा सघाउने छन । शिविर पूणर्रूपमा निःशुल्क हुनेछ । शिविरका लागि आधार विकास नेपाल र अठोट नेपालले पनि सहकार्य गरेको प्रमुख प्रेम सिंहले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
