११ पौष २०८१, बिहिबार
राज शाही मंगलबार, जेठ १६, २०८० मा प्रकाशित
पशुहरुमा देखिएको लम्पि स्किन रोगविरुद्धको भ्याक्सिन जिल्लामा आइ पुगेको छ । हुम्ला जिल्ला सिमकोट गाउँपालिकाको आर्थिक सहयोगले सो रोग विरुद्धको भ्याक्सिन जिल्लामा आइ पुगेको हो । जिल्ला सदरमुकाम सिमकोटका पशुहरुमा लम्पी स्किन रोग लागी पशुहरु मर्न थाले पछि यसको रोकथामका लागी जिल्ला पशु अस्पताल तथा पशु सेवा कार्यालय प्रमुख कृष्णबहादुर रोकाया, सिमकोट गाउँपालिकाका अध्यक्ष विजय भण्डारी, उपाध्यक्ष शुसिला रोकाया सहित पशु शाखाको पहलमा २ हजार डोज सिमकोटमा आइ पुगेको सोही गाउँपालिका पशु शाखा नायव पशु स्वास्थ प्राविधिक विष्णु बुमिले बताएका छन् ।
औषधी आइ पुगे सँगै रोग प्रभावित क्षेत्रमा सिमकोट गाउँ पालिकाका पशु प्राविधिक खटी उपचारमा लाग्ने बताएका छन् । सिमकोट गाउँपालिका वाहेक अन्य गाउँपालिकामा लम्पी स्किन विरुद्धको भ्याक्सिन खरिदका लागी र उक्त रोग रोकथामका लागी हाल सम्म केही पहल नभएको पशु पालक कृषकले गुनासो गरेका छन् । यसको रोकथामका लागी समयमै गाउँपालिका सचेत हनुका लागी पनि कृषकले जानकारी गराएका छन् ।
कार्तिकेवाली धान लगाउने समय भएकाले गोरुहरु विरामी पर्दा रोपाइ गर्न समेत नसकिएको सर्केगाड गाउँपालिका वडा नं ७ का स्थानियवासी एव हाम्रा सर्केगाड संवाददाता ओमप्रसाद जैसीले बताएका छन् ।
लम्पी स्किन रोग लागी मरेका पशु वस्तुहरु खाल्डो खनि पुरिदिन जिल्ला पशु सेवा कार्यालय प्रमुख कृष्णबहादुर रोकायाले बताएका छन् । रोग लागेका पशुहरुबाट अन्य पशुमा झिगा उडुस हावा द्धारा सरी महामारीको रुप लिन सक्ने भएकाले मरेका पशुहरुलाई खाल्डो खरि पुरीदिन पनि पशु कार्यालय प्रमुख रोकायाले पशुपालक कृषकलाई जानकारी गराएका हुन ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
