०८ पौष २०८१, सोमबार
नन्द सिंह शनिबार, जेठ २४, २०७७ मा प्रकाशित
हुम्ला,
गाउँ गाउँमा सिंहदरबार आएको भनिएता पनि हुम्लाका अधिकांस गाउँहरुमा यसका बारेमा अझै अनविज्ञ नै छन् । स्थानीय तह (सरकार) भनेर चिनिएको स्थानीय तहले कोभिड १९ सम्बन्धि ध्यान नदिएपछि जिल्ला रेडक्रस सोसाइटी हुम्लाले जेठ २२ गतेदेखि कोरोना सम्बन्धि जनचेतना मुलक कार्यक्रम फैलाउने काम सुरु गरेको छ ।
विश्व भरिनै महामारीको रुपमा फैलिएको कोरोना संक्रमणले गर्दा ठूलो समस्या उत्पन्न भएको भन्दै त्यसबाट कसरी बच्ने भन्ने सवालमा सिमकोट गाउँपालिका–१ र २ को ठेहे र ३ को बरगाउँमा स्थानीयहरुसँग छलफल सुरु गरेको छ ।
गाउँमा कोभिड–१९ को संक्रमणबाट बच्न स्थानीयबासीहरुले सामाजिक दुरी कायमका साथै र सरकारले गरेको लकडाउन (बन्दाबन्दी) को पालाना गर्दै सो विषयमा छलफल गरेको जिल्ला रेडक्रस सोसाइटी हुम्ला कार्यालयका वरिष्ठ सहायक छिरिङ्ग पाल्देन लामाले जानकारी दिए ।
जेठ २२ गते सिमकोट गाउँपालिका ठेहे र २३ गते बरगाउँमा मास्क, सेनिटाइजर, साबुन पानीको सही प्रयोग गर्ने बारे स्थानीयहरुलाई जानकार गराएको वरिष्ठ सहायक लामाको भनाई छ । जिल्ला बाहिरबाट गाउँ प्रवेश गरेका नागरिकलाई अनिवार्य रुपमा क्वारेन्टाइनमा १४ दिन राख्न समेत स्थानीयलाई आग्रह समेत गरेको लामाले बताए ।
लकडाउनको अवधिभर नागरिक आफै सचेत सजक रहनुपर्ने र कोभिड–१९ को संक्रमणबाट जोगिन गाउँकै नागरिक सचेत रहनु पर्ने लगायतका जनचेतना मुलक विषयमा जिल्ला रेडक्रस सोसाईटीले जनचेतनामुलक कार्यक्रम संञ्चालन गर्दै आएको छ भने स्थानीय तह र सरकारी निकाया मौन अवस्थामा बसेको पाइएको देखिन्छ । सो संस्थाले जनचेतनामुलक कार्यक्रम नियमित संञ्चालन गर्ने जाएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
