०६ पौष २०८१, शनिबार
राज शाही शनिबार, जेठ ०६, २०८० मा प्रकाशित
बिहिबार कर्णाली नदीमा बेपत्ता भएका अदानचुली गाउँपालिकाका सवारी चालक छक्क बुढाको खोजि गर्दापनि नभेटिएपछि घरपरिवारले आज पुत्लो बनाएर दाहसंस्कार गरेका छन् । बिहिबार मध्यन्न १२ बजेको समयमा अदानचुलीको आरजितेबो बाटोबाट फुत्केर कर्णाली नदीमा परेका बुढाको सबैतिरबाट खोजि कार्य गर्दा पनि नभेटिएपछि जिवित नरहेको निचोड निकालेका घर परिवारले पुत्लोमै स्थानीय परम्परा अनुसार दाहसंस्कार गरेको अदानचुली मानसरोवर टाइम्स शाखा प्रमुख राम बुढाले बताएका छन् ।
बिहिबार दिउँसो माछा मार्ने जाल हातमा बोकेर कर्णाली पारी जाने क्रममा कर्णालीको बिच भागमा डुबेको समयदेखि श्रीनगर र गल्फागाड प्रहरी चौकीका सुरक्षाकर्मी, अदानचुली गाउँपालिकाका पदाधिकारी र कर्मचारी, स्थानीय नागरिक गरेर झण्डै तीन सयको संख्यामा जम्मा भएका मानिसले कर्णाली नदि किनारका अधिकांश ठाउँमा खोजेपनि न लाश न शाश केही न भेटिएको मानसरोवर टाइम्स अदानचुली प्रमुख राम वुढाले बताएका हुन । ‘खोजि कार्यमा केही टुंगो नलागेपछि सबैको सल्लाहमा हामीले वेपत्ता भएका छक्कको पुल्तो मै स्थानीय परम्परा अनुसार दाहसंस्कार गर्ने काम भएको हो ।
गाउँपालिकाको एम्बुलेन्स चलाउँदै आएका चालक बुढा बेपत्ता भएसँगै अदानचुली गाउँपालिकाले दुःख ब्यक्त गर्दै खोजी कार्यमा खटिन सबै पक्षलाई आग्रह गरेको थियो । तर २४ घण्टासम्म कतैबाट केही टुंगो नलागेपछि अन्ततः बुढाको अन्त्यष्टी गरिएको जनाइएको छ । सुर्योदय माध्यामिक बिद्यालय ब्यबस्थापन समितिका सदस्य समेत रहेका बुढा, नेकपा माओबादी केन्द्र २ नम्बर वडा कमिटिका अध्यक्ष बुढा कर्णाली नदीमा बेपत्ता भएपछि उनी सम्बद्ध संघसंस्था, पार्टी र आफन्तजनले गहिरो दुःख व्यक्त गरिरहेका छन् । कर्णाली नदीमा पानीको बहाब बढेरका कारण पनि बुढाको खोजि कार्यमा थप जटिलता उत्पन्न भएको अदानचुली गाउँपालिकाका निमित्त प्रमुख प्रशासकीय अधिकृत मेघनाथ शाहीले जानकारी दिए ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
