०७ पौष २०८१, आइतबार
राज शाही शनिबार, जेठ २४, २०७७ मा प्रकाशित
हुम्ला
हिमाली जिल्ला हुम्लामा २ दिनको अविरल वर्षाले जिल्लाको जनजिवन प्रभावित वनाएको छ । यो वर्षाले जेठासी तथा कार्तिके वाली लाइ नोक्सानी पुर्याएको छ । स्थानियवासीलाई मेला पातो गर्न गोठालालाई लेखमा पशु पस्तु चरि चरन क्षेत्रमा लिन समस्या भएको छ । जिल्लाका उच्च हिमालमा हिमपात समेत भएको छ ।
जेठासी वाली पाकी भित्राउने वेला परेको अविरल वर्षाले फल झारी दिएको छ भने विरुवालाई जमिनमा नै ढालि दिएको किसानहरुले बताएका छन् । जसले गर्दा फल झरेपछि कम उत्पादन हुने देखिएको छ । कार्तिक वाली लगाएको जग्गामा पहिरो जाँदा खेत वारीमा उम्रेको अन्न पातका विरुवा नष्ट भएको छ । वाली लगाएको ठाउमा वाडी जाँदा विरुवालाई वगाएर लिएको छ ।
नेपालका ७७ जिल्लामा गाडी नपुगेको दुर्गम जिल्ला हुम्लामा केही वर्ष देखि आन्तरिक सवारी साधन संचालन हुदै आएका छन् । यो अविरल वर्षाले आन्तरिक सवारी साधन चल्ने सडकमा पहिरो जाँदा गाडी संचालनमा ल्याउन समस्या देखिएको छ ।
सिमकोट गाउँ पालिकाको सिमकोटवाट खार्पु, वरगाउँ, हेप्का खोला सम्म आन्तरीक सवारी साधन संचालन हुदै आएका छन् । हुम्ला जिल्लामा विगत २ दिन देखि परेको अविरल वर्षाले उक्त सडकमा पहिरो जाँदा सवारी साधन संचालनमा ल्याउन समस्या भएको छ ।
सिमकोट देखि खार्पु सम्मको ९ किलो मिटर सडकमा १० ठाउँमा पहिरो जाँदा कच्ची सडकमा सवारी साधन संचालन हुन समस्या भएको छ । सवारी साधन धनी आफै सावेल, विल्चा लिइ सडकमा परेको पहिरो तथा माथिबाट खसेका ढुङगा पन्छाइ सवारी साधन संचालन गर्न वाध्य भएका छन् । विगत २ दिनको अविरल वर्षाले भत्काएका सडकहरु मर्मतका लागी सरोकारवालाको ध्यान जानु जरुरी देखिएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
