१३ पौष २०८१, शनिबार
राम बुढा बुधबार, बैशाख २०, २०८० मा प्रकाशित
हिमाली जिल्ला हुम्लाका गाउँ गाउँमा सडक निर्माण हुने क्रम जारी रहेको छ । हुम्लाका ७ वटा गाउँपालिका मध्य तिन वटा गाउँपालिका राष्ट्रिय सडक संजालमा जोडिएका छन् । जिल्लाको अदानचुली, ताँजाकोट र चंखेली गाउँपालिका राष्ट्रिय सडक सन्जाल सँग जोडिएका छन् । गाउँपालिका केन्द्रमा यस अघि नै सडक संजाल सँग जोडिएका यी तिन गाउँ पालिका अव गाउँ गाउँमा सडक निर्माण कार्यतिर लागेको पाइएको छ ।
अदानचुली गाउँपालिका भित्र रहेका ६ वटा वडाका गाउँ गाउँमा सडक संजाल जोड्ने कार्यलाइ पहिलो प्राथामिकता राखेको सोही गाउँपालिका अध्यक्ष मोहन बिक्रम सिहले बताएका छन् । सडक निर्माणका लागी ट्रयाक ओपन गर्ने कार्य सुरु भएको र ट्रयाक ओपनलाइ पनि गुणस्तरिय ढंङ्गले निर्माण भएका छन वा छैनन भन्ने तर्फ गाउँ पालिकाले समय समयमा अध्यक्ष मोहन विक्रम सिह उपाध्यक्ष कर्ण रोकाया सुधार प्रमुख प्रशासकिय अधिकृत मेघनाथ शाही सम्बन्धित वडाका वडा अध्यक्षको संयुक्त अनुगमन गर्ने कार्य नियमित भएको सोही गाउँपालिका वडा नं ५ का वडा अध्यक्ष कमल छत्यालले बताएका छन् ।
यसै बीच आज सोही गाउँपालिका वडा नं २ को धोडे ढुङ्गा देखि वडा नं ३ पुदुकोट सम्मको सडक निर्माण कार्य सुरु भएको हाम्रा अदानचुली संवाददाता राम बुढाले बताएका छन् । प्रदेश अन्तरगतको पुर्वधार विकास कार्यालयको ४० लाखको आर्थिक सहयोगमा उक्त सडक निर्माण कार्य आजबाट सुरु भएको वुढाले बताएका छन् । उक्त सडक उपभोक्ता समितिबाट निर्माण कार्य हुने भएको हो ।
उक्त सडकको तलमाथि खेती योग्य जमिन भएको र ति जमिनको अन्न वाली हाल पाकी नसकेकाले केही विवाद देखिएको भए पनि समाधानको लागी जन प्रतिनिधि लागी परेको भन्ने खवर प्राप्त भएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
