१३ पौष २०८१, शनिबार
राज शाही शुक्रबार, बैशाख १५, २०८० मा प्रकाशित
जोत्ने गोरु अपरिचीत रोगले मर्दा हुम्लाका खेतबारी बाँझै रहेका छन् । घर घरमा पालीका हल गोरु मर्दा यो वर्ष कार्तिके वाली लगाउन नपाएको कृषकले गुनासो गरेका छन् । यस अघि पशु अस्पताल तथा पशु सेवा कार्यालयको समन्वयमा जिल्लाका ७ वटै गाउँपालिकाका पशु शाखाले स्थानियका घर घरमा पुगी पशुहरुलाई भ्यागुत्ते, चर चरे , पिपिआर विरुद्धको खोप लगाइएको थियो ।
वर्षा यममा भ्यागुते, चर चरे रोग लागेर घरपालुवा पशु वस्तु नमरोस भन्ने हेतुले उक्त खोप लगाइए पनि सो खोपको प्रभाव नदेखिएको स्थानियवासीले बताएका छन् । खेतवारी जोत्नका लागी हल गोरु पालिए पनि ति गोरु मरे पछि अहिले कार्तिके वाली खेतवारीमा लगाउन नपाएको स्थानियवासी एव नेपाली काँग्रेस खार्पुनाथ गाउँपालिका वडा नं ५ का वडा इकाइ सभापति भक्तबहादुर शाहीले बताएका छन् ।
यति वेला कृषकको ७० प्रतिसत जग्गा बाँझै रहेको शाहीले बताएका छन् । केही गोरु मरि सकेको र केही विरामी भएकाले खेतवारी जोत्न नसकिएको हो । केही कृषकले आफै कुटो कोदालोले खनी कार्तिकेवाली लगाए पनि वढी जसो बाँझै रहेको पाइएको छ । त्यसै गरी विहाउने गाइ जुमाहरु मर्दा पशुपालक कृषकलाइ निकै क्षेती भएको शाहीले बताएका छन् । खार्पुनाथ गाउँपालिका वडा नं ५ को खर्पेल गाउँमा करिव १५ वटा,याँङचुमा १३ वटा त्यसै अन्य गाउँमा पनि सोही अनुसारको पशुहरु मरेको जानकारी प्राप्त भएको छ ।
पशु उपचारका लागी गाउँपालिकाको पशु शाखामा जाँदा औषधी नभएको र औषधी आउदै छ भन्ने आश्वासन मात्र पाएको शाहीले बताएका छन् । पशु हरुलाई ज्वोरो आउने र्याल छोड्ने घाँस नखाने शरीरमा विविरा आउने जस्ता रोगले पशुहरु थला परेको शाहीले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
