१३ पौष २०८१, शनिबार
राज शाही मंगलबार, बैशाख १२, २०८० मा प्रकाशित
गाउँपालिकाको शान्ती सुरक्षा र विकास निर्माण लगाएका विषय वस्तुमाथि अन्तरक्रिया कार्यक्रम गरिएको छ । अन्तरक्रिया कार्यक्रम हुम्ला जिल्लाको अदानचुली गाउँपालिकामा गरिएको हो । जिल्ला समन्वय समितिका प्रमुख शिवराज सर्मा, अदानचुली गाउँपालिकाका अध्यक्ष मोहन विक्रम सिंह, प्रमुख जिल्ला अधिकारी श्रीनाथ पौडेल, प्रहरी नायव उपरिक्षक भिमलाल भटराइ, इलाका प्रशासक भिमबहादुर रोकाया लगाएत कर्मचारी, जनप्रतिनिधि, स्थानिय वासिको उपस्थितमा मंगलबार अन्तरक्रिया गरिएको अदानचुली संवाददाता राम वुढाले बताएका छन् ।
अदानचुली गाउँपालिकामा शान्ती सुरक्षाको अवस्था कस्तो रहेको छ, स्थानियवासीले जिउ ज्यानको सुरक्षाको अनुभुती गर्न सकेका छन् वा छैन, उक्त गाउँपालिकामा अबैध कारोवार हुने गरेको छ वा छैन, मधिरा सेवन गरी गाउँ समाजमा हो हल्ला, घरेलु हिंसा जन्य कार्यहरु हुने गरेका छन् वा के छ भन्ने बारेमा अन्तरक्रिया गरिएको सोही गाउँपालिकाका निमित्त प्रमुख प्रशासकिय अधिकृत मेघनाथ शाहीले बताएका छन् ।
अदानचुली गाउँपालिकाले संचालन गरेका योजनाहरु गुणस्तरिय ढङ्गले निर्माण भएका छन वा छैनन्, सेवा लिदा स्थानियले दुःख हैरानी खेप्नु परेको छ की छैन भन्ने विषयमा पनि छलफल भएको मानसरोवर टाइम्स अदानचुली शाखा प्रमुख राम वुढाले बताएका छन् । अस्थाइ प्रहरी चौकी स्थापना लगाएतका विषयमा पनि छलफल भएको बुझिएको छ ।
यस अघि जिल्ला समन्वय समितिका प्रमुख शिवराज सर्मा नेतृत्वको टोलीले खार्पुनाथ, सर्केगाड गाउँपालिकामा पनि भेटघाट तथा अनुगमन, अन्त्रक्रिया गरेको वुझिएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
