१३ पौष २०८१, शनिबार
राज शाही मंगलबार, बैशाख १२, २०८० मा प्रकाशित
१० दिने आधारभुत तालिम सुरु भएको छ । हुम्ला जिल्लाको सिमकोट गाउँपालिकामा कार्यरत महिला स्वयम सेविकाहरुका लागी १० दिने तालिम सदरमुकाम सिमकोटमा सुरु भएको सिमकोट गाउँपालिका नरसिङ स्टाप मनमाया वली शाहीले बताएकी छन् ।
जिल्ला स्वास्थ्य सेवा कार्यालयको आर्थिक सहयोग संगै आयोजना र सिमकोट गाउँपालिकाको समन्वयमा उक्त तालिम संचालन भएको सिमकोट गाउँपालिका स्वास्थ्य शाखाले जनाएको छ । स्वयम सेवा मार्फत समुदायमा स्वास्थ्य सम्बन्धि प्रवधानात्मक तथा प्रतिकारात्मक कृयाकलापहरु सन्चालन गर्न छनौट गरिएका महिला सामुदायिक स्वास्थ्य स्वयम सेविकाहरुको स्वास्थ्य सम्बन्धि ज्ञान तथा सिप अभिवृद्धि गर्ने उक्त तालिमको लक्ष्य रहेको जिल्ला स्वास्थ्य सेवा कार्यालय प्रमुख प्रेमबहादुर सिंहले बताएका छन् ।
महिला सामुदायिक स्वास्थ्य स्वयम सेविका रणनितिमा उल्लेख गरिए अनुसार महिला सामुदायिक स्वास्थ्य स्वयम सेविकाले गर्नु पर्ने भुमिकाहरु प्रभावकारी ढंगले गर्न सक्ने गरि उनिहरुको सिप क्षमता विकास गर्ने, महिला सामुदायिक स्वास्थ्य स्वयमसेविकाहरु मार्फत स्वास्थ्य क्षेत्रमा कार्य गर्ने उद्देश्य तालिमको रहेको सिमकोट गाउँपालिका स्वास्थ्य शाखा प्रमुख नर भण्डारीले बताएका छन् ।
समय र परिवेश अनुसार नयाँ विषय बस्तुहरुमा महिला सामुदायिक स्वास्थ्य स्वयम सेविकाहरुको क्षमता विकास गर्ने लगाएतका लक्ष्य उद्देश्य रहेको उक्त तालिम हुम्ला जिल्लाको जिल्ला सदरमुकाम सिमकोटको मानसरोवर होटलमा मंगलबारबाट १० दिन सम्म विहान १० वजे देखि वेलुका ५ वजे सम्म संचालन हुने भएको सिमकोट गाउँपालिका नर्सिङ स्टाप मनमाया वली शाहीले बताएकी छन् ।
तालिममा सिमकोट गाउँपालिका वडा नं १ देखि ८ सम्मका सामुदायिक महिला स्वास्थ्य स्वयम सेविकाको उपस्थित रहेको तालिमलाई औपचारिकरुपमा एक कार्यक्रमको आयोजना गरि मंगलबार विहानबाट सुरु गरिएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
