१६ पौष २०८१, मंगलबार
राज शाही शुक्रबार, चैत्र २४, २०७९ मा प्रकाशित
कर्णाली प्रदेशको हुम्ला जिल्लाको क नम्वर क्षेत्रमा वजेटको अभावमा क्याम्पसको भवन अलपत्र परेको छ । कर्णाली प्रदेशको आर्थिक सहयोगमा आर्थिक वर्ष ७७।७८ मा निर्माण कार्य सुरु भएको उक्त भवनको २ कोठा निर्माण कार्य सम्पन्न भइ जस्ता पाता छाउनका लागी काठ समेत छतमा हालिएको उक्त भवनको थप वजेटको अभावमा सो भवनको निर्माण कार्य पुरा हुन नसकेको देखिएको छ ।
भवन निर्माण गर्न जग्गा खरिदका लागी ५ लाख ५० हजार रुपैंया अदानचुली गाउँपालिका वडा नं ३ का निवर्तमान अध्यक्ष दत्त विष्ठलाइ उपलब्ध गराइएको र सो रकम लिए पनि जग्गा धनिले भवनका लागी प्रयोग भएको जग्गा गल्फागाड बहुमुखी क्याम्पस श्रीनगरका नाउँमा रजिष्टेसन पास नगरि दिए पछि सो भवन निर्माण कार्य अलपत्र परेको सोही क्याम्पसका पुर्व क्याम्पस प्रमुख रणसुर रोकायाले वताएका छन् ।
क्याम्पस निर्माण भन्दा पनि सोही क्याम्पसका लागी सम्पर्क कार्यालय निर्माण गर्ने सम्झौता प्रदेश कार्यालय संग भएको पुर्व क्याम्पस प्रमुख रोकायाले बताएका छन् । प्रदेश कार्यालयबाट प्राप्त रकम २० लाख मध्य ५ लाख ५० हजार जग्गा खरिद बाँकी रकम ढुङ्गा काठ र लेवरमा खर्च गरिएको र अपुग रकम अदानचुली गाउँपालिकाले सहयोग गर्ने भनिए पनि उक्त रकम आर्थिक वर्ष ७७।७८ मा अदानचुली गाउँपालिकाले नदिए पछि सो भवनको निर्माण कार्य पुरा नभएको रोकायाले बताएका छन् ।
अधरो रहेको भवनको निर्माण कार्य पुरा गर्नका लागी अदानचुली गाउँपालिकाले थप वजेटको व्यवस्थापनका लागी सहयोगको आश्वासन पाएको पुर्व क्याम्पस प्रमुख रोकायाले बताएका छन् ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
