२६ बैशाख २०८२, शुक्रबार
राज शाही बुधबार, चैत्र २२, २०७९ मा प्रकाशित
हुम्ला जिल्लाका ग्रामिण भेग सम्मै स्वास्थ्य क्षेत्रमा पहुच वढ्दै गएको छ । जिल्ला अस्पतालबाट मात्रै सेवा प्रवाह हुने हुम्ला जिल्लामा अहिले हुम्लाका ग्रामिण भेगबाटै सेवा प्रवाह हुन थालेका छन । यस अघि गर्भवति महिलाको गर्भमा रहेको शिसुको स्वास्थ्य अवस्था र आमाको शारीरिक अवस्था कस्तो छ भन्ने बारेमा जानकारी लिनका लागी जिल्लाका ७ वटै गाउँपालिकाका स्वास्थ्य संस्थाबाट सेवा प्रवाह हुन थालेका छन । स्वास्थ्य विभागको आर्थिक सहयोग सँगै गाउँपालिकाको पहलमा गर्भवति महिलाको भिडियो एक्सरेका लागी चाहिने आवश्यक स्वास्थ्य सामाग्री उपलब्ध भए पछि गाउँपालिकाकै स्वास्थ्य संस्थाबाटै गर्भवति महिलाको गर्भ चेक जाँच हुने गरेको छ ।
हुम्ला जिल्लाको मध्य क्षेत्रमा रहेको चंखेली गाउँपालिका वडा नं ४ मा रहेको पिप्लाङ बर्थिङ सेन्टरमा गर्भवति महिलाहरुका लागी भिडियो एक्सरे सुरु भएको स्वास्थ्यकर्मी वल कुमार शाहीले बताएका छन् । सो वर्थिङ सेन्टरमा गर्भवति महिलाको भिडियो एक्सरे सुरु भए पछि सोही गाउँपालिका वडा नं ४ का गर्भवति महिला सँगै अन्य वडाका महिलाहरु पनि गर्भ चेक जाँच गर्न सोही वर्थिङ सेन्टरमा आउने गरेको शाहीले बताएका छन् । गर्भ अबस्थामा कम्तीमा ३ पटक र अन्य समस्या परेमा जतिखेर पनि video x-ray सेवा लिदा आमा र गर्भमा रहेको शिशुको समस्या समयमा पत्ता लाग्ने भएकाले चंखेली गाउँपालिकाको सहकार्यमा सो वर्थिङ सेन्टरमा भिडियो एक्सरे सेवा सुरु गरिएको जानकारी प्राप्त भएको छ । गर्भमा रहेको बच्चाको अवस्था केछ उल्टो सुल्टो के छ पोष्ण पुगेको छ वा छैन लगाएतका स्वास्थ्य सम्बन्धी जानकारी लिनका लागी पनि भिडियो एक्सरे सेवा संचालन भएको खवर प्राप्त भएको छ ।
साहित्यकार बसन्त रोकाया ( बसन्त श्री ) को भोट खण्ड काव्य बिमोचन हुँदै
पुर्ण खोप सुनिश्चित घोषित कार्यक्रममा हुम्लाका ४ जना पत्रकार सम्मानित
नेपाल उत्पिडित जातिय मुक्ति समाजको अध्यक्षमा लालधन टमट्टा
