०७ पौष २०८१, आइतबार
राज शाही बिहिबार, चैत्र १६, २०७९ मा प्रकाशित
नेपाल पत्रकार महासंघको ६८ औं स्थापना दिवसको अवसरमा महासंघको हुम्ला शाखाद्धारा आर्थिक अभावले अस्पतालको लास घरमा रहेको लासको उद्धार गर्ने कार्य भएको छ । महासंघ शाखाले आर्थिक जुटाउन समन्वय गर्दै लासको दाहसंस्कार गर्न आर्थिक जुटाएर खार्पु दोभानमा रहेको मसानघाटसम्म उद्धार गर्ने कार्य भएको हो ।
महासंघ शाखाका अध्यक्ष राजन रावतका अनुसार पोष्टमार्टम पछि अस्पतालले आफन्तलाई बुझाएको नदीमा भेटिएको लास रुकुम पुर्ब जिल्लाको पुथा उत्तरगंगा गाउँपालिका– ६ को मयाङ गाउँका संसार घर्तीमगरको लासलाई दाहसंस्कार गर्न आफन्तलाई आर्थिक नभएपछि लासघरमा रोकिएको साललाई गाडीको ब्यवस्था गरि खार्पु दोभानतर्फ पठाउने कार्य गरिएको बताए ।
उनले आफन्तको अनुरोधमा महासंघ हुम्ला शाखाले गाडीको ब्यवस्थाका लागि रकम उठाउन समन्वय गरेको बताए । अस्पतालको लासघरबाट मसान घाटसम्म लग्नका लागि लागेको भाडाको ब्यवस्था गर्न महासंघले समन्वय गरेको हो । यसका लागि महासंघको अनुरोधमा स्वास्थ्य सेवा कार्यालय र खाद्य ब्यवस्था तथा ब्यापार कम्पनी लिमिटेडको सिमकोट शाखाले भाडाको ब्यवस्था गरेका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
