२१ पौष २०८१, आइतबार
राज शाही शनिबार, चैत्र ११, २०७९ मा प्रकाशित
महिला कृषक समुहलाई ७ दिने लघुउधम विकास सम्बन्धी तालिम प्रधान गरिएको छ । गरिवी निवारणका लागी लघु उद्यम भन्ने मुलनाराका साथ सिमकोट गाउँपालिकाको आर्थिक सहयोग र स्नोल्याण्ड एकिकृत विकास केन्द्र एस आइ डिसीको प्राविधिक सहयोगमा सो तालीम संचालन भएको सिमकोट गाउँपालिकाका प्रमुख प्रशासकिय अधिकृत उजिर रोकायाले बताएका छन् ।
हुम्ला जिल्लाको निर्वाचन क्षेत्र ख को सिमकोट गाउँपालिका वडा ३ वरगाउँमा संचालन भएको लघु उद्यम सम्बन्धीको ७ दिने व्यवसायीक तरकारी खेती तालिममा तरकारी खेती कसरी गर्ने, कुन समयमा कुन तरकारीको खेती गर्ने, कसरी गर्ने, कस्तो माटोमा गर्ने, नरसरी कसरी बनाउने, व्याट कसरी राख्ने, कति दुरीमा तरकारीका विरुवा लगाउने,वेर्ना कसरी राख्ने, विउ कसरी छनौट गर्ने, उत्पादन गरीएको तरकारीको भण्डार कहाँ र कसरी गर्ने, यसको वजारीकरण कसरी गर्ने भन्ने लगायतका विषय वस्तु माथि सिकाइएको स्नोल्याण्ड एकिकृत विकास केन्द्र एस आइ डिसीका कार्यकारी निर्देशक गोविन्द बहादुर शाहीले बताएका छन् ।
२४ जना महिलाको सहभागीता रहेको उक्त तालिममा १८ वर्ष देखि ४० वर्ष सम्मका महिलाको सहभागीता रहेको थियो । तालिमको मुख्य उद्देश्य स्वदेशमै रोजगारी सृर्जना गरी विदेश पलायन हुनबाट रोक्नु रहेको र यो तालिम लिइ सकेपछि नेपाल सरकारले विना धितो, विना व्याज ५ लाख सम्म समुहमा सोही प्रमाण पत्रको आधारमा लगानी गरी स्थानिय स्तरमै आर्थिक उपार्जन गर्नु रहेको सिमकोट गाउँपालिका उपाध्यक्ष शुशिला रोकायाले बताएकी छन् ।
सिमकोट गाउँपालिकाको आर्थिक सहयोग र स्नोल्याण्ड एकिकृत विकास केन्द्रको समन्वयमा संचालन भएको ७ दिने तालिमको प्रशिक्षकमा रुप्सिह भण्डारी रहेका थिए । शनिवार सिमकोट गाउँपालिका उपाध्यक्ष सुसिला रोकायाको प्रमुख आतिथ्य, स्नोल्याण्ड एकिकृत विकास केन्द्र एस आइ डिसिका कार्यकारी निर्देशक गोविन्द बहादुर शाहीको अध्यक्षता र सिमकोट गाउँपालिका प्रमुख प्रशासकिय अधिकृत उजिर रोकायाको विशेष आतिथ्यमा संचालन भएको थियो ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
