०७ पौष २०८१, आइतबार
राज शाही मंगलबार, चैत्र ०७, २०७९ मा प्रकाशित
सदरमुकाम समेत रहेको सिमकोट गाउँपालिका यस पटकको माध्यामिक शिक्षा परिक्षा ( एसईई ) मा ३.६ जिपिए भन्दा माथि ल्याउने परिक्षार्थीहरुलाई नगद सहित सम्मान गर्ने भएको छ । परिक्षामा बिधार्थीहरुले राम्रो गरुन भन्ने उद्धेश्यले गाउँपालिकाको कार्यपालिकाबाट निर्णय गराएर सो कार्यक्रम राखिएको हो । सिमकोट गाउँपालिकाका प्रबक्ता नन्द रावतले चैत्र १७ गतेबाट सञ्चालन हुने एसईई परिक्षामा ३.६ जिपिए मार्क ल्याए नगद दश हजार र प्रशंसापत्र प्रदान गरिने जानकारी दिए ।
मंगलबार बसेको कार्यपालिका बैठकले सो निर्णग गरेको हो । परिक्षामा बिधार्थीहरुले राम्रो गरुन भन्ने उद्धेश्यले कार्यपालिकाले निर्णय गरेर सो कार्यक्रम ल्याएको उनले बताए । गाउँपालिकाभित्र ७ वटा सामुदायी विद्यालयहरु रहेको र त्यहाँ अध्ययनरत छात्र छात्राहरुहरु लावान्भित हुनेछन् । सिमकोट गाउँपालिकाका सामुदायीक विद्यालयबाट यस पटकको एसईईमा ५९९ जनाले परिक्षार्थीहरुले एसईईमा सहभागिता जनाउने छन् ।
कार्यक्रमलाई आगामी वर्षमा पनि निरन्तरता दिईने गाउँपालिका अध्यक्ष विजय भण्डारीले बताएका छन् ।त्यसै गरी मंगलबार सिमकोट गाउँपालिका कार्यपालिका वैठकले सिमकोट गाउँपालिकाको तेश्रो त्रैमासिक समिक्षा चैत २४ गते र सार्वजनिक सुनुवाइ कार्यक्रम चैत २६ गते सुनुवाइ गर्ने निर्णय गरेको अध्यक्ष भण्डारीले बताएका छन् । त्यसै गरी रलिङ गुम्बाको गूरुयोजना निर्माणको लागी डिपिआर निर्माण गर्ने गरियो । सोही अनुसार सिमकोट गाउँपालिका अन्तरगत वलभद्र प्राथामिक विद्यालयलाई कक्षा ६ सम्म पठन पाठन गर्नको लागी अनुमति दिने सिमकोट गाउँकार्यपालिकाको वैठकले निर्णय गरेको अध्यक्ष भण्डारीले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
