२३ पौष २०८१, मंगलबार
राज शाही सोमबार, चैत्र ०६, २०७९ मा प्रकाशित
एक जना ३४ वर्षका युवाले लागामाडुमा रहेको रुखमा पासो लगाइ आत्महत्या गरेका छन् । आत्म हत्या गर्नेमा हुम्ला जिल्ला सिमकोट गाउँपालिका वडा नं ७ धारापोरी निवासी जयभक्त शाही रहेका छन् । शाहीले चैत ५ गते वेलुका सिमकोट गाउँपालिकाको वडा नं ८ घट्टेखोला लागामाडुमा रहेको पिपलको रुखमा कपासको डोरीले पासो लगाइ झुण्डी आत्महत्या गरेको निजको श्रीमती जम्भरी छत्यालले बताएकी छन् ।
श्रीमानले रुखमा झुण्डी पासो लगाइ आत्म हत्या गरेको जानकारी धारापोरी प्रहरी चौकीलाई जानकारी भए पछी तत्काल जिल्ला प्रहरी कार्यालयका प्रहरी निरिक्षक दिपक मल्लको कमाण्डमा प्रहरी घटना स्थलमा पुगी मृत्य लाशलाई नियन्त्रणमा लिइ पोष्टमाटमको लागी जिल्ला अस्पताल सिमकोट पुर्याएको प्रहरी नायव उपरिक्षक भिमलाल भटराइलेले बताएका छन् । केकती कारणले निजले आत्म हत्या गरेका हुन सोका बारेमा अनुसन्धान भइ रहेको जिल्ला प्रहरी कार्यालय हुम्लाको श्रोतले बताएको छ । अहिले मृत लाशलाई जिल्ला अस्पतालको लाश घरमा राखिएको जानकारी प्राप्त भएको छ ।
हुम्ला जिल्लामा आत्म हत्याका घटना वढ्दै गएका छन् । आत्म हत्याका घटना के कसरी के कती कारणले घट्छन् यसको चुरो कुरो पत्ता लगाउन सजिलो देखिदैन । हुम्ला जिल्लामा आर्थिक वर्ष ०७९।८० मा मात्रै करि ५ वटा सम्म आत्म हत्याका घटना घटी सकेको अवस्था छ । यस मध्यका १ वटा आत्म हत्या दुरस्सान अर्थात कर्तव्य ज्यानमा १ जनाको नाउँमा मात्र मुद्दा चलेको देखिन्छ । एक जनाले कर्णालीमा हामफाली आत्म हत्या गरेका खार्पुनाथका व्यक्ती करिव ३ महिना पछि लाशको सनाखत गरिएको छ ।
यस्ता आत्म हत्याका घटना न्युनिकरण गर्नका लागी जिल्ला प्रहरी कार्यालय, न्यायीक अर्धन्यायीक निकाय, सरकारी तथा गैर सरकारी संघ संस्थाहरुले विभिन्न कार्यक्रम मार्फत आत्म हत्या न्युनिकरणका लागी जनचेतना हुम्ला जिल्लामा फैलाइ रहेका छन् । तर पनि यस्ता घटना वढी रहेको पाइन्छ ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
