०७ पौष २०८१, आइतबार
राज शाही मंगलबार, फाल्गुण ३०, २०७९ मा प्रकाशित
खार्पुनाथ गाउँपालिकाले आफ्नो गाउँपालिकाभित्र रहेका माध्यमिक विद्यालयबीच प्रतिस्पर्धा हुने राष्ट्रपति रनिङ शिल्ड प्रतियोगिता चैत २० गतेबाट सञ्चालन गर्ने भएको छ । गाउँपालिका भित्रका ५ वटै माध्यामिक विद्यालयका प्रधानाध्याकसँगको छलफल र गाउँ शिक्षा समितिको निर्णयबाट सो प्रतियोगिताको मिति तय गरिएको हो।
प्रमुख प्रशासकीय अधिकृत विष्णुबहादुर शाहीले जिल्लास्तरीय राष्ट्रपति रनिङ शिल्ड प्रतियोगिताका लागि खेलाडी छनौट गर्न गाउँपालिका स्तरीय माध्यामिक विद्यालयको प्रतियोगिताको मिति तय गरिएको बताए। उनले प्रतियोगिता चैत २० गतेबाट हुने र यसका लागि गाउँपालिकाभित्रका ५ वटै माध्यामिक विद्यालय सिता माध्यामिक विद्यालय,मान्धारा माध्यामिक विद्यालय, हुम्ला माध्यामिक विद्यालय, संकर माध्यामिक विद्यालय र मालिका माध्यामिक विद्यालयको सहभागिता रहने संकर माध्यामिक विद्यालयका प्रधानाध्यापक वृर्षबहादुर छत्यालले बताएका छन ।यसका लागि संकर माध्यामिक विद्यालयले प्रतियोगिता आयोजना गर्नेछ।
गाउँपालिकाले प्रतियोगिता आयोजना गर्ने संकर माध्यामिक विद्यालयलाई खेल सञ्चालन गर्न साढे २ लाख बजेट उपलब्ध जानकारी प्राप्त भएको छ । एथलेष्टिकका १७ विद्या र भलिवल खेलमा प्रतिसप्रधा हुने छ । जिल्लाका सात वटा मध्ये खार्पुनाथ गाउँपालिका प्रतियोगिताको मिति तय गर्ने पहिलो भएको छ। अन्य गाउँपालिका मध्य सिमकोट गाउँपालिकाले बैशाख २ गते गाउपालिका स्तरिय राष्ट्रपति रनिङ सिल्ड प्रतियोगिता संचालन गर्ने मिति तोकेको छ । अन्य गाउँपालिकाले गाउँपालिका स्तरिय राष्टप्रति रनिसिल्ड प्रतियोगिताको मिति तय गर्न सकेका छैनन्। वैशाखमै जिल्लास्तरीय सो प्रतियोगिता हुनेछ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
