०८ पौष २०८१, सोमबार
गोर्ख रोकाया बिहिबार, जेठ १५, २०७७ मा प्रकाशित
हुम्ला
दुई महिनाभन्दा बढी समय बन्दाबन्दीले काठमाडौं र नेपालगंजमा अलपत्र परेका २७१ जना दक्षिणी बिधार्थीहरुलार्ई उद्धार गरि हुम्ला ल्याउन सुरु गरिएको छ । काठमाडौंबाट उद्धार गरिएका हुम्ली बोकेर सात वटा गाडी छुटेको र ती गाडीले नेपालगंजबाट अलपत्र नागरिकलाई बोकेर सुर्खेत, दैलेख, कालिकोट, जुम्ला हुदै मुगुसम्म पुर्याउने ब्यबस्था गरिएको हो ।
उद्धार गरिएका नागरिक अधिकाँस बिधार्थी रहेको बताउदै उद्धार कार्यमा खटिएका सर्केगार्ड गाउँपालिका वडा नम्बर ४ निबासी धनराज शाहीले बिधार्थीहरुलाई बन्दाबन्दीको पिडामा रहेको कारण हुम्ला जिल्लाबाट प्रतिनित्वि गर्नु हुने संघीय संसद रंगमति शाही र छक्कबहादुर लामाको पहलमा उद्धार कार्य गरिएको बताएका छन्। काठमाडौंमा रहेका धेरै बिधार्थीहरुसगं घरखर्च समेत नभएको बेला उद्धार गरिएको हो ।
विहिर दिनको १२ वजे बिधार्थी बोकेका गाडीहरु कालिकोट पुगेका छन् । यसमा चंखेली गाउँपालिकाका ३३ जना, सर्केगार्ड गाउँपालिका २२४ जना , अदानचुलीका ३ जना र खार्पुनाथ गाउँपालिका ११ जना बिधार्थीहरु र केही अन्य नागरिक रहनु भएको छ । हुम्ला उद्धार गरिएका नागरिकहरु बोक्ने गाडीका लागि गृहमन्त्रालयले सासदको पहलमा पास उपलब्ध गराएको थियो ।
गाडी भाडा भने उद्धार गरिएका नागरिक आफैले तिर्नु परेको छ् । स्थानीय सरकारले नागरिकको यो पिडालाई सुनुवाई गर्न नसकेको सहयोगी शाहीले बताएका छन् । काठमाडौ र नेपालगंजबाट उद्धार गरिएका नागरिकहरु मुगु पुग्न अझै एक दिन लाग्ने र त्यसपछि चंखेली र सर्केगार्ड गाउँपालिका पुग्न एक देखि दुई दिन लाग्ने गाडीमै रहेका सर्केगार्ड गाउँपालिका वडा नम्बर ७ का प्रकाश हमालले बताएका छन ।
उद्धार गरिएका नागरिकहरुलाई चार सय बोटल पानी र चार सय थान माक्स काँग्रेस हुम्लाका सभापति जयपति रोकाया र सेनिटाईजर हुम्ला जिल्लाका सांसद रंगमति शाहीले सहयोग गरेका थिए । सर्केगार्ड गाउँपालिका वडा नम्बर ७ का स्थानीय महेन्द्र हमालले पाँच हजार बाटोमा खाजाका लागि सहयोग गरेका छन । जिल्लामा पुगेपछि सबै नागरिकलाई सम्बन्धित गाउँपालिका र वडाले क्वारेन्टिनमा राख्ने ब्यबस्था गरिने छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
