२५ पौष २०८१, बिहिबार
राज शाही शनिबार, फाल्गुण १३, २०७९ मा प्रकाशित
दुई वर्षदेखि निर्माण कार्य रोकिएको हुम्ला कवर्ड हलको निर्माण कार्य अगाडी बढ्ने भएको छ । निर्माण कार्यका लागि कर्णाली प्रदेश सरकार सामाजिक बिकास मन्त्रालयले बजेटको ब्यवस्था गरेपछि निर्माण कार्य अगाडी बढ्ने भएको हो । सामाजिक बिकास कार्यालयका सवइन्जिनीयर धर्मराज बोहराले कवर्ड हलको रोकिएको निर्माण कार्य अगाडी बढाउने प्रकृया सुरु भएको बताएका छन् ।
चालु आर्थिक वर्षमा सामाजिक बिकास मन्त्रालयले सामाजिक बिकास कार्यालय मार्फत पचास लाख बजेटको ब्यवस्था गरेपछि निर्माण कार्य अगाडी बढाउन टेण्डर आव्हान गर्ने प्रकृया अगाडी बढेको हो । अहिलेको बजेटबाट कवर्ड हलको गाह्रो लगाउने कार्य पाँच फिट माथि हुने छ । जुन कार्य आगामी असार भित्र गरिनेछ । कवर्ड हलभित्र नै यो बजेटबाट तीन कोठे खेलाडीहरुको ड्रेस परिवर्तन गर्ने भवन निर्माण हुने छ ।
यसअघि कवर्ड हलको आठ फिट अग्लो गाह्रो लगाउने कार्य पुरा भई सकेको छ । जम्मा चौतीस फिट अग्लो गाह्रो लगाउनु पर्नेछ । अझै बीस फिट अग्लो गाह्र लगाउने कार्य भने बाँकी नै रहनेछ । यसका लागि दुई वर्ष सिमकोट गाउँपालिकाले प्रदेश सरकारको सहयोगमा एक करोड ४२ लाख लगानी गरेको थियो भने कार्यालयले पचास लाख लगानी गरि सकेको थियो । यो वर्षको बजेट सहित दुई करोड ४२ लाख लगानी हुनेछ । अझै कवर्ड हलको संरचना निर्माण गर्न भने बाँकी नै रहने छ । यसका लागि मन्त्रालयले बजेटको ब्यवस्या गर्ने बताई रहेको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
