२६ पौष २०८१, शुक्रबार
राज शाही सोमबार, माघ ०२, २०७९ मा प्रकाशित
गाउँ घरकै सरकारबाट सेवा दिन थालेपछि स्थानियले सहजै सेवा लिन पाएका छन् । २ दिन पैदल हिडेर जिल्ला अस्पतालबाट सेवा लिनु पर्ने स्वास्थ्य सेवा गाउँ घरबाटै लिन पाउने भए पछि हुम्ला जिल्ला खार्पुनाथ गाउँपालिकाका गर्भवती महिला खुसी भएका हुन । यस अघि गर्भमा रहेको बच्चाको अवस्था के कस्तो छ भन्ने भिडियो एक्सरेका लागी पैदल हिडेर जिल्ला सदरमुकाम सिमकोट पुग्नु पर्ने खार्पुनाथ गाउँपालिकाका गर्भवति महिलाको वाध्यताको अन्त्य भएको छ ।
केही दिन अघि स्वास्थ्य विभागले भिडियो एक्सरे मेसिन खार्पुनाथ गाउँपालिकाको सामुदायीक अस्पताललाई हस्तान्त्रण गरेपछि सोमबार पहिलो पटक गाउँपालिकामै भिडियो एक्सरे गरीएको सोही गाउँपालिका स्वास्थ्य शाखा प्रमुख वलिराज शाहीले बताएका छन् । आज सोमबार पहिलो दिन ६६ जना गर्भवती महिलाको भिडियो एक्सरे गरिएको प्रमुख शाहीले बताएका छन् । अव यो सेवालाई निरन्त्रता दिने र आज छुटेका गर्भवती महिलाहरुको गर्भ जाँच पनि हुने स्टाप नर्स सुहाना हमालले बताएकी छन् ।
सो चेक जाँचका लागी जिल्ला अस्पतालकी सिनियर अनमी सरिता बोहरा र अनेस्थेसिया सहायक दिपेन्द्र शाहको उपस्थित रहेको थियो । त्यसै गरी माघ ३ गते छिप्रा स्वास्थ्य चौकीमा गर्भवतीको भिडियो एक्सरे हुने बताइएको छ । यो भिडियो एक्सरेबाट आमा र बच्चाको अवस्था पत्ता लगाउन र ज्यान बचाउन सहज हुने देखिएको र समयमै उपचार गर्न सहज हुने बताइएको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
