०७ पौष २०८१, आइतबार
राज शाही बुधबार, जेठ १४, २०७७ मा प्रकाशित
हुम्ला
आन्तरिक उडान सञ्चालनका लागि विमानस्थलमा सामाजिक दूरी कायम हुने गरी संरचनाहरूमा व्यापक परिवर्तन भइरहेको छ । नेपाल नागरिक उड्डयन प्राधिकरणले त्रिभुवन अन्तर्रा्ष्ट्रिय विमानस्थल लगायत मुलुकका प्रमुख विमानस्थलमा सामाजिक दूरी कायम हुने र विभिन्न सुरक्षा प्रबन्ध हुने गरी संरचनाहरू तयार गरिरहेको हो । प्राधिकरणले देशभरका विमानस्थललाई निर्देशिका समेत पठाइसकेको छ । अन्तर्रा्ष्ट्रिय उडानको पनि निर्दे्शिकाको तयारी प्राधिकरणले सुरु गरेको छ ।
विमानस्थलमा यात्रुहरू बीच दूरी कायम रहने र भिडभाड नहुने गरी गरिएका मार्किङ लगायतका संरचना तयार पारिएको जानकारी प्राप्त भएको छ । ‘आन्तरिक विमानस्थलहरूलाई निर्दे्शिका पठाइसकेको र सोहीअनुसार संरचना तयारीमा एयरलाइन्स र विमानस्थल जुटेका छन्,’
कोरोना संक्रमण वढी रहेका वेला नेपालमा आन्तरिक हवाई उडान सञ्चालनको गृहकार्य सुरु भएको छ । असारदेखि हवाई उडान सुचारु गर्न लागिएको हो । संक्रमण फैलिन नदिन विभिन्न प्रकारका कडा सुरक्षा निर्दे्शिका बनाएर आन्तरिक उडान खुला गर्ने सरकारले तयारी गरेको छ । भारतमा पनि गत सोमबारदेखि उडान सुचारु गरिएको थियो ।
नेपालमा जेठ मसान्तसम्म सबै व्यवसायिक उडान बन्द गरिएको छ । लकडाउन २० जेठ सम्म छ । २० जेठपछि लकडाउन पनि खुकुलो बनाउन लागिएको छ । कोरोना संक्रमण महिनौं सम्म जारी रहने देखिएपछि स्वास्थ्य सुरक्षासम्बन्धि मापदण्ड लागू गरेर २० गतेपछि थप केही क्षेत्रलाई खुला गर्न लागिएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
