२६ पौष २०८१, शुक्रबार
राज शाही आइतबार, पौष १७, २०७९ मा प्रकाशित
चीनसंग सिमाना जोडिएको उत्तरी क्षेत्रको नाम्खा गाउँपालिकालाई चीन सरकारले स्काभेटर सहयोग गरेको छ । बिकास निर्माणका काममा सहयोग पुर्याउने उद्धेश्यले उक्त मेशिन सहयोग गरिएको हो । गाउँपालिका अध्यक्ष प्रेम लामाले चीन सरकारले एक वटा स्काभेटर ( डोजर ) मेशिन सहयोग गरेको रेडियो कैलाशलाई बताएकबा छन् । उक्त सहयोग प्राप्त भएको स्काभेटर लिन उनको नेतृत्वमा गाउँपालिकाको एक टोली हिल्सा पुगेको थियो ।
सिमानाको कस्टम प्रतिनिधि र परराष्ट्र मामिला हेर्ने प्रतिनिधिले नयाँ स्काभेटर र साँचो आफुलाई आईतबार हस्तान्तरण गरेको बताए । स्काभेटर पाए लगत्तै गाउँपालिकाले एक जना ड्राईभरको समेत ब्यवस्था गरि सकेको छ । उनले चिनीयाँ प्रतिनिधिले गाउँपालिकाको बिकास निर्माणका सघाउ पुर्याउनका लागि चीनले सो स्काभेटर सहयोग गरेको बताएको बताएका छन् । सो स्काभेटरको मुल्य एक करोड भन्दा बढी परेको हो ।
हिल्सामा रहेको उक्त स्काभेटरलाई कर्णाली करिडोरको हिल्सा सिमकोट सडक खण्डको हिल्सादेखि नारा क्षेत्रमा भत्किएको सडकको मर्मत गरेर गाउँपालिका केन्द्र याल्वाङ ल्याउने तयारी भई रहेको छ । चीन सरकारले ठुलो सहयोग गरेको बताउदै अध्यक्ष लामाले यसले गाउँपालिकालाई बिकासे काम गर्न सहज भएको बताएका छन् । स्काभेटरलाई गाउँपालिकाले सडक निर्माण देखि अन्य सम्वन्धि बिकास निर्माणको कार्यमा प्रयोग गर्ने जनाएको हो ।
कतिपय बिकासे कामका लागि सिधै गाउँपालिकाले सो मेशिनलाई प्रयोग गर्ने छ भने कतिपय बेला भाडामा लगाएर पनि आम्दानी कमाउने छ । चीनले यसअघि नाम्खा गाउँपालिकाकालाई खाद्यन्न, औषधी, उपकरण, बिकास निर्माणका सामाग्री सहयोग गर्दै आएकोमा यस पटक भने स्काभेटर प्रदान गरेको हो । यसअघि गत जेठमा जिल्ला समन्वय समितिले आफुसंग भएको स्काभेटर पनि सहयोग गरेको थियो । अब नाम्खा गाउँपालिकासंग दुई वटा स्काभेर भएका छन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
