०८ पौष २०८१, सोमबार
राज शाही मंगलबार, जेठ १३, २०७७ मा प्रकाशित
हुम्ला
कोरोना संक्रमण बिरुद्ध अग्र स्थानमा लड्ने जिल्लाका स्वास्थ्यकर्मीहरु मध्य न्यून अनुपातमा कोरोना संक्रमणको परिक्षण गराउने संख्या देखिएको छ । कोरोना संक्रमण परिक्षणका उपकरणहरुको अभाबमा इच्छा भएर पनि जिल्लाका स्वास्थ्यकर्मीहरुले स्वास्थ्य परिक्षण गर्न नसकेका हुन ।
स्वास्थ्य सेवा कार्यालयका प्रमुख प्रेम बहादुर सिंहले जिल्लामा कार्यरत कुल स्वास्थ्यकर्मी मध्य हालसम्म जम्मा १ सय २५ जनाले मात्र कोरोना संक्रमणको परिक्षण गरेको बताए । यसमा स्वास्थ्य सेवा कार्यालयका ३४ जना, नाम्खा गाउँपालिका १३ जना , सिमकोट गाउँपालिकाका १६ जना, सर्केगार्डका ४१ जना र ताँजाकोट गाउँपालिकाका २१ जनाको मात्र परिक्षण गरिएको गाउँपालिकाका स्वास्थ्य शाखाहरुले जनाएका छन् । यो संख्या जिल्लामा कार्यरत स्वास्थ्यकर्मी मध्य ३४ दशमलव ७३ प्रतिशतले मात्र कोरोना संक्रमण परिक्षण गरेको देखिन्छ । सात वटा गाउँपालिका र स्वास्थ्य सेवा कार्यालय गरि ३६० जना चिकीत्सक तथा स्वास्थ्यकर्मी कार्यरत रहदै आएका छन् ।
दुर्गमका दुई वटा गाउँपालिका चंखेली र अदानचुलीमा स्वास्थ्यकर्मीको परिक्षण भए नभएको जानकारी प्राप्त हुन सकेको छैन । यसरी कोरोना बिरुद्ध अग्रपङ्तिमा उभिने स्वास्थ्यकर्मीको स्वास्थ्य परिक्षण हुन नसक्नुको मुख्य कारण किट अभाब भएको सिमकोट गाउँपालिकाका स्वास्थ्य शाखा प्रमुख दान बहादुर बोहराले बताउदै स्वास्थ्य परिक्षण गराउने चाहाना सबैमा छ, तर किट अभाबले त्यो पुरा हुन नसकेको उनले बताएका छन । अहिले जिल्लामा आरडिटी किट र स्वाब संकलन किटको अभाब रहेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
