२६ पौष २०८१, शुक्रबार
राज शाही सोमबार, मंसिर २६, २०७९ मा प्रकाशित
हुम्ला
१ दिने महिनावारी सरसफाई स्वच्छता व्यवस्थापन सम्बन्धि अभिमुखिकरण तालिम सम्पन्न भएको छ । हिमाली जिल्ला हुम्लाका ७ वटा गाउँपालिका मध्य खार्पुनाथ गाउँपालिकाले उक्त अभिमुखिकरण तालिम संचालन गरेको हो । महिनावारि भएका बेला के कसरी सरसफाइ गर्ने भन्नेबारेमा विद्यालयमा अध्यनरत छात्रालाइ सिकाउनका लागी विद्यालयका शिक्षक तथा शिक्षिकाहरुलाई अभिमुखी करण गराइएको सोही गाउँपालिका स्वास्थ्य शाखा प्रमुख वलिराज शाहीले बताएका छन् ।
स्नोल्याण्ड एकिकृत विकास केन्द्र एस आइ डिसीको सहकार्य र गुड नवर्स इन्ट्रनेसलको आर्थिक सहयोगमा सोमबार खार्पुनाथ गाउँपालिका केन्द्र याँङचु बजारमा संचालन भएको हो । खार्पुनाथ गाउँपालिका स्वास्थ्य शाखाले महिनाको २ पटक माध्यामिक विद्यालयमा र महिनाको १ पटक आधारभुत विद्यालयमा अनिवार्य स्वास्थ्य शिक्षा तथा स्वास्थ्य चेकजाँच कक्षा संचालन गर्ने कार्ययोजना बमोजिम उक्त अभिमुखिकरण गरिएको सोही गाउँपालिकाका प्रमुख प्रशासकिय अधिकृत विष्णुबहादुर शाहीले बताएका छन् । सो कार्यक्रमलाई निरन्तरताका लागी सबै सरोकारवाला निकायको सहयोगको अपक्षा गरीएको स्वास्थ्य शाखा प्रमुख शाहीले बताएका छन् ।
विद्यालयमा स्वास्थ्य शिक्षा संचालन गर्ने कार्यक्रमम सुरुवाती चरणमा भएकाले केही कमीकम्जोरी हुन सक्ने भएकाले यसको रचनात्मक सुझावको अपक्षा राखेको शाहीले बताएका छन् । त्यसै गरी यो हिउदे विदाको समय भएकाले किसोरिहरुलाई खुवाइदै आएको आइरन चक्कि फाल्गुण महिनाबाट सुरु गरीने योजना बनाइएको खार्पुनाथ गाउँपालिकाले जनाएको छ । जसका लागी करिव १ हजार ट्याप्लेट गाउँपालिका स्वास्थ्य शाखामा पुगी सकेको प्रमुख शाहीले बताएका छन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
