२६ पौष २०८१, शुक्रबार
राज शाही मंगलबार, मंसिर २०, २०७९ मा प्रकाशित
उत्तरी हुम्ला नाम्खा गाउँपालिका – ५ को हिल्सा र ६ स्थित लिमीको सुनखानीमा स्थापना भएका सिमा प्रहरी चौकी सारिएको छ । चिसो बढेको र यी दुवै स्थानमा मानिसहरुको आउजाउ कम हुने भएको कारण प्रहरी चौकी सारिएको हो ।
जिल्ला प्रहरी कार्यालय हुम्लाका प्रहरी निरीक्षक दिपक मल्लका अनुसार हिल्सा र सुनखानीमा सिमा प्रहरी चौकीका प्रहरीहरु जिल्लामा फिर्ता आई पुगेको बताएका छन् । दुवै प्रहरी चौकीमा प्रहरी सहायक निरीक्षकको नेतृत्वमा प्रहरीले सुरक्षा प्रदान गर्दै आएको थियो । उनले हिउदमा चिसो पनि हुने र मानिसहरुको आउजाउन नहुँने भएको कारण दुवै प्रहरी चौकीबाट प्रहरीलाई फिर्ता बोलाईएको बताएका हुन । कुनै पनि घटना नहुँने र हिउदमा प्रहरीलाई रासनपानीको ब्यवस्था गर्न पनि समस्या हुने भएको कारण वर्षेनी मङ्सिर महिनापछि चौकीमा खटिएका प्रहरीलाई सार्ने गरिदै आएको छ । चौकीका प्रहरी फिर्ता आएपछि चौकीमा ताला लगाएर बन्द गरिएको छ ।
हिल्सामा १३ जना र सुनखानीमा ११ जना प्रहरी कार्यरत रहँदै आएका थिए । अघिल्ला वर्षहरुमा हिल्सा प्रहरी चौकीका प्रहरीलाई नाम्खा गाउँपालिका–५ कै मुचु प्रहरी चौकीमा हिल्साबाट फिर्ता बोलाएर राख्ने गरिएको भएपनि यसवर्ष जिल्लामा बोलाईएको छ । दुबै प्रहरी चौकीका प्रहरीहरु आगामी जेठ महिनासम्म जिल्लामै बस्ने र त्यसपछि मात्र चचौकीमा फिर्ता हुनेछन् । हिल्सामै स्थापना भएको सशस्त्र प्रहरी सिमा सुरक्षा चौकी ( बिओपी ) भने हिल्सामै रहेको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
