२६ पौष २०८१, शुक्रबार
राज शाही बिहिबार, मंसिर ०१, २०७९ मा प्रकाशित
विगतका निर्वाचनमा भन्दा यस पटकको निर्वाचनमा मतदान केन्द्रमा खटिने महिला कर्मचारीको सङ्ख्या बृद्धि भएको छ । महिला कर्मचारीहरुको समान सहभागिता गराउनका लागि मुख्य निर्वाचन अधिकृतको कार्यालयले निर्वाचनमा खटाउने महिला कर्मचारीको सङ्ख्या बृद्धि गरेको मुख्य निर्वाचन अधिकृतको कार्यालयका सहायक निर्वाचन अधिकृत कमलकुमार आचार्यले बताएका छन् ।
मुख्य निर्वाचन अधिकृत दिलप्रसाद सापकोटाले गत स्थानीय निर्वाचनको तुलनामा यस पटकको निर्वाचनमा मतदान कार्यका लागि खटिने महिला कर्मचारीको सङ्ख्या बृद्धि गरिएको बताएका छन् ।
यस पटकको निर्वाचनमा जिल्लाका कुल ५९ मतदान केन्द्र मध्य ४४ वटा मतदान केन्द्रमा ७६ जना महिला कर्मचारी खटाईएका छन । वैशाख ३० गतेको स्थानीय निर्वाचनमा ४२ जना महिला कर्मचारीलाई मतदान कार्यकाका लागि खटाईएको थियो । मङ्सिर ४ गतेको निर्वाचनको मतदान कार्यका लागि कुल ४५० जना कर्मचारी खटाईएको छ ।
यसरी निर्वाचनमा खटिएका महिला कर्मचारीहरुमा मतदान अधिकृत, सहायक मतदान अधिकृत, सहायक कर्मचारी र सहयोगी कर्मचारीका रुपमा रहेका छन । उनीहरुले महिलाको मतदान कार्यका लागि समान सहभागिता गराउन र जिम्मेवारी दिए महिला पनि काम गर्न सक्छन् भन्ने देखाउनका लागि पनि महिलाको सङ्ख्यामा बृद्धि गरिएको सहायक निर्वाचन अधिकृत कमलकुमार आचार्यले बताएका हुन ।
निर्वाचनका लागि ४ जना महिलालाई मतदान अधिकृतको जिम्मेवारी दिईएको छ । यस पटक सो जिम्मेवारी भने घटेको छ । उनीहरु मध्य सरिता बोहरा र सुधा साप्कोटाले स्थानीय तहको निर्वाचनमा मतदान अधिकृतको जिम्मेवारी पुरा गरि सकेही छन् । स्थानीय निर्वाचनमा महिला मतदान अधिकृतको सङ्ख्या सात जना थियो । मतदान अधिकृत बोहराले निर्वाचन सफल रुपमा सम्पन्न गर्ने बताइकफ छन् । सहायक मतदान अधिकृतको सङ्ख्या भने ८ जना रहेको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
