२६ पौष २०८१, शुक्रबार
राज शाही सोमबार, आश्विन २४, २०७९ मा प्रकाशित
लगातारको वर्षाले हुम्ला जिल्लाको मध्य क्षेत्र सर्केगाड गाउँपालिका वडा नं ६ मा पहिरो जाँदा १ जनाको मृत्यु भएको छ भने ७ वटा घर भत्केका छन् । मृत्यु हुनेमा सर्केगाड गाउँपालिका वडा नं ६ माथिल्लो छ्यागी गाउँ निवासी वर्ष अंन्दाजी २४ का हस्त शाही रहेका छन् । आइतबार दिनको करिव १२ वजे तिर गएको पहिरो सँगै खसेको ढुङ्गा लाग्दा निजको मृत्यु भएको सोही वडाका पुर्व वडा अध्यक्ष खड्के वुढाथोकीले बताएका छन् । आइतबार पहिरोमा परि मृत्यु भएका शाहीको सोमबार हिन्दु संस्कार अनुसार दाहसंस्कार गरीएको अध्यक्ष वुढाथोकीले बताएका छन् ।
त्यसै गरी सोही वडाका तुलविर सार्की, बमबहादुर सार्की, बाँचबहादुर सार्की, तुलसी कामी, कन्न सार्की, खड्के कामी र मुनविर ऐडीको पहिरोले घर पुर्णरुपमा क्षेती पुर्याएको वुढाथोकीले बताएका छन् । घर भत्केकाहरु अहिले आफन्तकोमा सरण लिइ बसी रहेको जानकारी प्राप्त भएको छ । घर भत्कनेमा ६ जना सर्केगाड गाउँपालिका वडा नं ६ छ्यागी गाउँका रहेका छन भने १ जना मुनविर ऐडी बराइ गाउँका रहेका छन् ।
वर्षाका कारण पहिरो आउँदा चंखेली–६ मासिधारको देनबाडामा एक घर पुरिँदा ४ जनाको मृत्यु भएको छ । चंखेली गाउँपालिका वडा नं. ६ मासिधारा गाउँस्थित देनबाडामा माथिबाट आएको पहिरोले देउच्या विकको घर पुर्दा उनकी श्रीमती, एक छोरा र दुई छोरीको मृत्यु भएको स्थानीय ध्रुवकुमार शाहीले बताए । आइतबार साँझ सात बजे घर माथिबाट आएको पहिरोले घर पुर्दा ६५ वर्षीया आमा होइजाली विक, ९ वर्षीया छोरी तुलसी विक, ७ वर्षीया छोरी सुस्मिता विक र ५ वर्षीय छोरा वसन्त विकको मृत्यु भएको प्रमुख जिल्ला अधिकारी सीता परियारले बताइन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
